Read nynorsk 2011 Høgsongen 6 Bible Online

Høgsongen 6 - nynorsk 2011 bible

Høgsongen 6

¹Kvar er kjærasten din faren, du vakraste mellom kvinner? Sei, kvar har kjærasten teke vegen, vi vil hjelpa deg å leita.

² Kjærasten gjekk ned til hagen sin, til angande urtesenger. Han ville gjeta i hagane og plukka liljer.

³ Kjærasten er min, og eg er hans, han som gjeter mellom liljene.

⁴ [10] Du er vakker som Tirsa, mi kjære, praktfull som Jerusalem, farleg som ein hær under banner.

⁵ Vend auga dine bort, dei hærtek meg. Håret ditt er som ein geiteflokk, strøymande nedover Gilead.

⁶Tennene dine er som nyklipte sauer som kjem frå vask. Tvillingar har dei alle, og ingen har mista eit lam.

⁷Som skiva av eit granateple er tinningen bakom sløret.

⁸Seksti dronningar er det, åtti følgjekoner og unge jenter utan tal.

⁹Berre éi er mi due, mi fullkomne, den einaste for mor si, elska av henne som fødde henne. Døtrene ser henne og prisar henne sæl, dronningar og følgjekoner hyllar henne.

¹⁰ Kven er ho som strålar lik morgonròden, vakker som månen, klår som sola, farleg som ein hær under banner?

¹¹Eg gjekk ned til nøttehagen, ville sjå kor det grønkast i dalen, om vinstokken hadde sett nye skot, om granataplane blømde.

¹²Eg kjende ikkje meg sjølv, det var som stod eg på mitt folks vogner som hovding.

¹³ [11] Snu deg, snu deg, du jente frå Sjulam! Snu deg, snu deg, så vi får sjå deg! Kvifor vil de sjå på jenta frå Sjulam der ho dansar mellom rekkjene?