Read nynorsk 2011 Jesaja 12 Bible Online

Jesaja 12 - nynorsk 2011 bible

Jesaja 12

¹ Den dagen skal du seia: Eg takkar deg, HERRE! For du var harm på meg, men harmen snudde, og du trøysta meg.

² Sjå, Gud er mi frelse, eg er trygg og fryktar ikkje. For HERREN er min styrke og min song, og han har vorte mi frelse.

³ Med glede skal de ausa vatn or kjeldene til frelse.

⁴ Den dagen skal de seia: Lovpris HERREN, kall på hans namn! Gjer gjerningane hans kjende mellom folka, forkynn at hans namn er opphøgt!

⁵Syng for HERREN, for han har gjort storverk, gjer dette kjent over heile jorda!

⁶ Rop høgt i jubel, de som bur på Sion! For Israels Heilage er stor, han er midt iblant dykk.