Read nynorsk 2011 Jesaja 4 Bible Online

Jesaja 4 - nynorsk 2011 bible

Jesaja 4

¹Den dagen skal sju kvinner gripa tak i same mann og seia: «Brød og klede skal vi skaffa oss sjølve, berre vi får bera ditt namn. Ta vår vanære bort!»

² [10] Den dagen skal HERRENS spire bli til herlegdom og ære og frukta i landet til stordom og heider for dei som slapp unna i Israel.

³ Resten som er på Sion, og som er att i Jerusalem, skal kallast heilag, kvar og ein i Jerusalem som er oppskriven til livet.

⁴ Herren skal vaska skiten av Sions døtrer og skylja bort alt blodet frå Jerusalem med Anden som dømmer, med Anden som reinsar.

⁵ [11] Så skal HERREN skapa ei røyksky om dagen og røyk og lys frå ein flammande eld om natta over heile Sion-fjellet og over møtestadene der. For over all herlegdom skal det vera eit vern,

⁶ ei lauvhytte som skyggjer for heten om dagen og gjev livd og skjul mot uvêr og regn.