Read nynorsk 2011 Hosea 11 Bible Online

Hosea 11 - nynorsk 2011 bible

Hosea 11

¹ Då Israel var ung, fekk eg han kjær, frå Egypt kalla eg son min.

²Men jo meir eg ropa på dei, dess meir gjekk dei bort frå meg. Dei ofra til Baal-gudane, tende offereld for gudebilete.

³ Det var eg som lærte Efraim å gå og tok dei på armen. Men dei skjøna ikkje at eg gjorde dei friske.

⁴ [41] Eg drog dei med menneskeband, med kjærleiks tau. Eg var lik ein som lyfter eit spedbarn opp til kinnet, eg bøygde meg ned og gav dei mat.

⁵Dei skal ikkje venda attende til Egypt, men Assur skal vera kongen deira, for dei nekta å venda om.

⁶ Sverdet skal rasa i byane deira, bryta sund bommane og eta om seg for deira planar skuld.

⁷Folket mitt heng fast ved sitt fråfall frå meg. Dei ropar saman til han som er i det høge, men han reiser dei ikkje opp.

⁸ Korleis kan eg oppgje deg, Efraim, overgje deg, Israel? Korleis kan eg oppgje deg som Adma, gjera med deg som med Sebojim? Hjartet vender seg i meg, all mi medkjensle vaknar.

⁹ Eg vil ikkje følgja min brennande vreide, ikkje øydeleggja Efraim ein gong til. For eg er Gud og ikkje eit menneske, heilag midt imellom dykk. Eg vil ikkje koma med redsle.

¹⁰ HERREN skal dei følgja, som ei løve skal han brøla. Når han brøler, skal borna hans koma skjelvande frå vest.

¹¹Skjelvande skal dei koma som ein fugl frå Egypt, som ei due frå Assur. Eg vil la dei bu i husa sine, seier HERREN.