Read nynorsk 2011 Hosea 12 Bible Online

Hosea 12 - nynorsk 2011 bible

Hosea 12

¹ [42] Efraim har omringa meg med løgn, Israels hus med svik. Men Juda held seg enno til Gud og er trufast mot Den heilage.

²Efraim gjeter vind, jagar heile dagen etter austavind. Han hopar opp løgn og vald. Dei gjer pakt med Assur og sender olje til Egypt.

³ [43] HERREN fører sak med Juda, han vil straffa Jakob for hans ferd, gjengjelda det han har gjort.

⁴ I mors liv heldt han bror sin i hælen, som vaksen kjempa han med Gud,

⁵ han kjempa med engelen og vann, han gret og bad om nåde. I Betel møter Gud han, og der talar han med oss.

⁶ HERREN, allhærs Gud, HERREN er hans namn.

⁷ Og du skal venda attende ved hjelp av din Gud. Hald fast på kjærleik og rett, ha alltid von til din Gud!

⁸ [44] Kanaan har falske vekter i handa, han elskar å utnytta andre,

⁹og Efraim seier: «Eg har då vorte rik og har fått meg eigedom, men i all rikdomen min er eg ikkje funnen skuldig i noko som er synd.»

¹⁰ [45] Men eg er HERREN din Gud, heilt frå Egypt. Enno vil eg la deg bu i telt som den gongen eg møtte deg.

¹¹Eg vil tala til profetane. Eg lét dei få syn i mengd, og no vil eg tala i likningar gjennom dei.

¹² Er Gilead ugudeleg, skal dei bli til inkjes. Ofrar dei oksar i Gilgal, skal altara deira bli som steinrøysar langs åkeren.

¹³ [46] Jakob rømde til Aram-landet, Israel tente for å få seg ei kone, for ei kone vakta han småfe.

¹⁴ [47] Ved ein profet førte HERREN Israel opp frå Egypt, og ved ein profet vakta han dei.

¹⁵ Efraim har vekt bitter harme. HERREN skal la hans blodskuld koma over han sjølv og gje han att for hans spott.