Read nynorsk 2011 Hosea 6 Bible Online

Hosea 6 - nynorsk 2011 bible

Hosea 6

¹ Kom, lat oss venda om til HERREN! For han reiv sund, men vil gjera oss friske, han slo, men vil forbinda oss.

² Han gjer oss levande etter to dagar, den tredje dagen reiser han oss opp, så vi kan leva for hans andlet.

³ Lat oss læra å kjenna HERREN, lat oss jaga etter å kjenna han! Sikkert som soloppgangen kjem han, han kjem til oss lik regnet, lik vårregnet som væter jorda.

⁴Kva skal eg gjera med deg, Efraim? Kva skal eg gjera med deg, Juda? Kjærleiken dykkar er som ei morgonsky, lik dogg som tidleg blir borte.

⁵ Difor har eg hogge dei ned ved profetane, drepe dei med ord frå min munn. Min dom skal gå opp som lyset.

⁶ For eg vil ha kjærleik, ikkje slaktoffer, gudskjennskap framfor brennoffer.

⁷ [27] Dei braut pakta i Adam, der var dei trulause mot meg.

⁸ Gilead er ein forbrytarby, full av blodspor.

⁹Presteflokken liknar røvarar som ventar på folk, dei myrdar på vegen til Sikem. Ja, skamlaus gjerning har dei gjort.

¹⁰ I Israels hus har eg sett grufulle ting, der driv Efraim hor, der gjer Israel seg urein.

¹¹ Også for deg, Juda, er det fastsett ein haust. Når eg vender lagnaden for mitt folk,