Read nynorsk 2011 Jona 2 Bible Online

Jona 2 - nynorsk 2011 bible

Jona 2

¹ HERREN sende ein stor fisk for å sluka Jona, og Jona var i buken på fisken i tre dagar og tre netter.

²Jona bad til HERREN sin Gud frå buken på fisken.

³Han sa: Eg kalla på HERREN i mi naud, og han svara meg. Eg ropa om hjelp frå djupaste dødsriket, og du høyrde meg.

⁴ Du kasta meg i djupet midt ute på havet, straumen omgav meg. Alle dine brot og bølgjer slo over meg.

⁵ Eg tenkte: Eg er driven bort frå dine auge. Skal eg aldri meir få lyfta blikket mot ditt heilage tempel?

⁶ Vatnet lukka seg om strupen, djupet kringsette meg, sivet vikla seg om hovudet.

⁷ Til foten av fjella sokk eg ned. Bommane til portane på jord slo att bak meg for alltid. Men du, HERRE, min Gud, førte meg levande opp or grava.

⁸ Då livet mitt svann bort, hugsa eg på HERREN, og bøna mi nådde til deg, til ditt heilage tempel.

⁹ Dei som held seg til vind og fåfengd, har svikta sin kjærleik.

¹⁰ Men eg vil ofra til deg med takkesong. Det eg har lova, vil eg halda. Frelsa kjem frå HERREN.

¹¹Då tala HERREN til fisken, og han spydde Jona opp på tørt land.