Read nynorsk 2011 4. Mosebok 26 Bible Online

4. Mosebok 26 - nynorsk 2011 bible

4. Mosebok 26

¹sa HERREN til Moses og presten Elasar, son til Aron:

²«Tel opp heile Israelsfolket, familie for familie, alle stridsføre menn i Israel som er tjue år eller meir!»

³Då sa Moses og presten Elasar frå om dette på slettene i Moab, ved Jordan, midt for Jeriko. Dei sa:

⁴«— alle som er tjue år eller meir, slik HERREN har pålagt Moses!» Dette er etterkomarane av dei israelittane som drog ut frå Egypt:

⁵Ruben, Israels førstefødde, og Rubens etterkomarar: Frå Henok kjem Henok-slekta, frå Pallu Pallu-slekta,

⁶frå Hesron Hesron-slekta og frå Karmi Karmi-slekta.

⁷Det var Ruben-slektene, og av dei vart 43 730 mønstra.

⁸Son til Pallu var Eliab,

⁹og sønene til Eliab var Nemuel, Datan og Abiram. Det var Datan og Abiram, menn som var utvalde frå forsamlinga, som gjorde opprør mot Moses og Aron den gongen Korahs forsamling sette seg opp mot HERREN.

¹⁰Jorda opna gapet og slukte både dei og Korah då forsamlinga hans omkom, den gongen elden gjorde ende på to hundre og femti mann. Dei vart eit teikn til åtvaring.

¹¹Men sønene til Korah mista ikkje livet.

¹²Dette er etterkomarane av Simon, slekt for slekt: Frå Nemuel kjem Nemuel-slekta, frå Jamin Jamin-slekta, frå Jakin Jakin-slekta,

¹³frå Serah Serah-slekta og frå Saul Saul-slekta.

¹⁴Det var Simon-slektene, 22 200 i talet.

¹⁵Dette er etterkomarane av Gad, slekt for slekt: Frå Sefon kjem Sefon-slekta, frå Haggi Haggi-slekta, frå Sjuni Sjuni-slekta,

¹⁶frå Osni Osni-slekta, frå Eri Eri-slekta,

¹⁷frå Arod Arod-slekta og frå Areli Areli-slekta.

¹⁸Det var slektene til Gad-sønene, og talet på dei som vart mønstra, var 40 500.

¹⁹Sønene til Juda var Er og Onan. Dei døydde i Kanaan.

²⁰Dette er etterkomarane av Juda, slekt for slekt: Frå Sjela kjem Sjela-slekta, frå Peres Peres-slekta og frå Serah Serah-slekta.

²¹Dette er etterkomarane av Peres: Frå Hesron kjem Hesron-slekta og frå Hamul Hamul-slekta.

²²Det var Juda-slektene, og talet på dei som vart mønstra, var 76 500.

²³Etterkomarane av Jissakar, slekt for slekt: Frå Tola kjem Tola-slekta, frå Puvva Puvva-slekta,

²⁴frå Jasjub Jasjub-slekta og frå Sjimron Sjimron-slekta.

²⁵Det var Jissakar-slektene, og talet på dei som vart mønstra, var 64 300.

²⁶Etterkomarane av Sebulon, slekt for slekt: Frå Sered kjem Sered-slekta, frå Elon Elon-slekta og frå Jahleel Jahleel-slekta.

²⁷Det var Sebulon-slektene, og talet på dei som vart mønstra, var 60 500.

²⁸Etterkomarane av Josef, slekt for slekt, Manasse og Efraim:

²⁹Dette er etterkomarane av Manasse: Frå Makir kjem Makir-slekta og frå Gilead Gilead-slekta. Makir var far til Gilead.

³⁰Og dette er etterkomarane av Gilead: Frå Jeser kjem Jeser-slekta, frå Helek Helek-slekta,

³¹frå Asriel Asriel-slekta, frå Sikem Sikem-slekta,

³²frå Sjemida Sjemida-slekta og frå Hefer Hefer-slekta.

³³Selofhad, son til Hefer, hadde ingen søner, berre døtrer. Namna på døtrene til Selofhad var Mahla, Noa, Hogla, Milka og Tirsa.

³⁴Det var Manasse-slektene, og talet på dei som vart mønstra, var 52 700.

³⁵Dette er etterkomarane av Efraim, slekt for slekt: Frå Sjutelah kjem Sjutelah-slekta, frå Beker Beker-slekta og frå Tahan Tahan-slekta.

³⁶Dette er etterkomarane av Sjutelah: Frå Eran kjem Eran-slekta.

³⁷Det var slektene til Efraim-sønene, og talet på dei som vart mønstra, var 32 500. Det var etterkomarane av Josef, slekt for slekt.

³⁸Dette er etterkomarane av Benjamin, slekt for slekt: Frå Bela kjem Bela-slekta, frå Asjbel Asjbel-slekta, frå Ahiram Ahiram-slekta,

³⁹frå Sjufam Sjufam-slekta og frå Hufam Hufam-slekta.

⁴⁰Bela hadde desse etterkomarane: Ard og Naaman. Frå Ard kjem Ard-slekta og frå Naaman Naaman-slekta.

⁴¹Det var etterkomarane av Benjamin, slekt for slekt, og talet på dei som vart mønstra, var 45 600.

⁴²Dette er etterkomarane av Dan, slekt for slekt: Frå Sjuham kjem Sjuham-slekta. Det var Dan-slektene, slekt for slekt.

⁴³Talet på dei som høyrde Sjuham-slektene til, var 64 400.

⁴⁴Dette er etterkomarane av Asjer, slekt for slekt: Frå Jimna kjem Jimna-slekta, frå Jisjvi Jisjvi-slekta, frå Beria Beria-slekta.

⁴⁵Etterkomarane av Beria er: frå Heber Heber-slekta og frå Malkiel Malkiel-slekta.

⁴⁶Asjers dotter heitte Sera.

⁴⁷Det var slektene til Asjer-sønene, og talet på dei som vart mønstra, var 53 400.

⁴⁸Dette er etterkomarane av Naftali, slekt for slekt: Frå Jahseel kjem Jahseel-slekta, frå Guni Guni-slekta,

⁴⁹frå Jeser Jeser-slekta og frå Sjillem Sjillem-slekta.

⁵⁰Det var Naftali-slektene, slekt for slekt, og talet på dei som vart mønstra, var 45 400.

⁵¹Dette var dei av israelittane som vart mønstra, 601 730 i alt.

⁵² HERREN sa til Moses:

⁵³«Mellom desse skal landet fordelast til odel og eige, etter folketalet.

⁵⁴Til dei talrike skal du gje ein stor eigedom og til dei fåtalige ein mindre. Kvar stamme skal få eigedom etter kor mange som vart mønstra.

⁵⁵Landet skal delast ved loddkasting. Dei skal få arvedel etter namna på stammane til fedrane deira.

⁵⁶Etter som loddet fell, skal kvar stamme, stor eller liten, få sin eigedom.»

⁵⁷Dette er dei levittane som vart mønstra, slekt for slekt: frå Gersjon Gersjon-slekta, frå Kehat Kehat-slekta og frå Merari Merari-slekta.

⁵⁸Desse slektene kjem frå levittane: Libni-slekta, Hebron-slekta, Mahli-slekta, Musji-slekta og Korah-slekta. Kehat fekk sonen Amram;

⁵⁹kona til Amram heitte Jokebed. Ho var dotter til Levi og var fødd i Egypt. Ho fødde Amram sønene Aron og Moses og syster deira, Mirjam.

⁶⁰Aron fekk sønene Nadab, Abihu, Elasar og Itamar.

⁶¹Men Nadab og Abihu døydde då dei bar uvigsla eld fram for HERREN.

⁶²Talet på levittane var 23 000 når alle menn og alle gutar som var meir enn ein månad gamle, var medrekna. Levittane vart ikkje mønstra saman med dei andre israelittane, fordi dei ikkje fekk nokon eigedom som dei andre israelittane.

⁶³Dette er dei som vart mønstra då Moses og presten Elasar mønstra israelittane på slettene i Moab, ved Jordan, midt for Jeriko.

⁶⁴Blant desse var det ingen att av dei som vart mønstra den gongen Moses og presten Aron mønstra israelittane i Sinai-ørkenen.

⁶⁵For HERREN hadde sagt til dei at dei skulle døy i ørkenen. Av dei var det ingen annan att enn Kaleb, son til Jefunne, og Josva, son til Nun.