Read nynorsk 2011 4. Mosebok 33 Bible Online

4. Mosebok 33 - nynorsk 2011 bible

4. Mosebok 33

¹Desse dagsmarsjane gjorde israelittane då dei drog ut frå Egypt, hæravdeling for hæravdeling, leia av Moses og Aron.

²På HERRENS ord skreiv Moses opp dei stadene dei tok ut frå på dagsmarsjane sine. Og dette er dagsmarsjane, rekna frå dei stadene dei tok ut frå:

³Dei braut opp frå Ramses på den femtande dagen i den første månaden. Dagen etter påskehøgtida drog israelittane av stad med lyft hand, midt for auga på alle egyptarane.

⁴Egyptarane heldt då på og gravla alle sine førstefødde, som HERREN hadde slege i hel hos dei. HERREN hadde òg halde dom over gudane deira.

⁵Israelittane braut opp frå Ramses og slo leir i Sukkot.

⁶Frå Sukkot braut dei opp og slo leir i Etam, som ligg i utkanten av ørkenen.

⁷Frå Etam braut dei opp og tok ei anna lei mot Pi-Hahirot, som ligg midt imot Baal-Safon, og dei slo leir framfor Migdol.

⁸Frå Pi-Hahirot braut dei opp og gjekk gjennom sjøen og inn i ørkenen. Så gjekk dei tre dagar gjennom Etam-ørkenen og slo leir i Mara.

⁹Frå Mara braut dei opp og kom til Elim. I Elim var det tolv vasskjelder og sytti palmetre, og dei slo leir der.

¹⁰Frå Elim braut dei opp og slo leir ved Sivsjøen.

¹¹Frå Sivsjøen braut dei opp og slo leir i Sin-ørkenen.

¹²Frå Sin-ørkenen braut dei opp og slo leir i Dofka.

¹³Frå Dofka braut dei opp og slo leir i Alusj.

¹⁴Frå Alusj braut dei opp og slo leir i Refidim. Men der fanst det ikkje vatn så folket kunne få drikka.

¹⁵Frå Refidim braut dei opp og slo leir i Sinai-ørkenen.

¹⁶Frå Sinai-ørkenen braut dei opp og slo leir i Kibrot-Hattaava.

¹⁷Frå Kibrot-Hattaava braut dei opp og slo leir i Haserot.

¹⁸Frå Haserot braut dei opp og slo leir i Ritma.

¹⁹Frå Ritma braut dei opp og slo leir i Rimmon-Peres.

²⁰Frå Rimmon-Peres braut dei opp og slo leir i Libna.

²¹Frå Libna braut dei opp og slo leir i Rissa.

²²Frå Rissa braut dei opp og slo leir i Kehelata.

²³Frå Kehelata braut dei opp og slo leir ved Sjefer-fjellet.

²⁴Frå Sjefer-fjellet braut dei opp og slo leir i Harada.

²⁵Frå Harada braut dei opp og slo leir i Makhelot.

²⁶Frå Makhelot braut dei opp og slo leir i Tahat.

²⁷Frå Tahat braut dei opp og slo leir i Terah.

²⁸Frå Terah braut dei opp og slo leir i Mitka.

²⁹Frå Mitka braut dei opp og slo leir i Hasmona.

³⁰Frå Hasmona braut dei opp og slo leir i Moserot.

³¹Frå Moserot braut dei opp og slo leir i Bene-Jaakan.

³²Frå Bene-Jaakan braut dei opp og slo leir i Hor-Hagidgad.

³³Frå Hor-Hagidgad braut dei opp og slo leir i Jotbata.

³⁴Frå Jotbata braut dei opp og slo leir i Abrona.

³⁵Frå Abrona braut dei opp og slo leir i Esjon-Geber.

³⁶Frå Esjon-Geber braut dei opp og slo leir i Sin-ørkenen, i Kadesj.

³⁷Frå Kadesj braut dei opp og slo leir ved Hor-fjellet, på grensa til Edom.

³⁸Aron, presten, gjekk på HERRENS ord opp på Hor-fjellet, og der døydde han. Det var i det førtiande året etter at israelittane hadde fare frå Egypt, den første dagen i den femte månaden.

³⁹Aron var 123 år gammal då han døydde på Hor-fjellet.

⁴⁰Då kanaanearkongen i Arad, som budde i Negev i Kanaan, fekk høyra at israelittane kom,

⁴¹braut dei opp frå Hor-fjellet og slo leir i Salmona.

⁴²Frå Salmona braut dei opp og slo leir i Punon.

⁴³Frå Punon braut dei opp og slo leir i Obot.

⁴⁴Frå Obot braut dei opp og slo leir i Ijje-Abarim på grensa til Moab.

⁴⁵Frå Ijjim braut dei opp og slo leir i Dibon-Gad.

⁴⁶Frå Dibon-Gad braut dei opp og slo leir i Almon-Diblatajim.

⁴⁷Frå Almon-Diblatajim braut dei opp og slo leir ved Abarim-fjella, midt for Nebo.

⁴⁸Då dei tok ut frå Abarim-fjella, slo dei leir på slettene i Moab, ved Jordan, midt for Jeriko.

⁴⁹Leiren deira låg langsmed Jordan, frå Bet-Jesjimot til Abel-Sjittim på slettene i Moab.

⁵⁰ HERREN tala til Moses på slettene i Moab, ved Jordan, midt for Jeriko. Han sa:

⁵¹Tal til israelittane og sei til dei: Når de går over Jordan og kjem inn i Kanaan-landet,

⁵²skal de driva ut alle som bur i landet, og slå sund gudebileta deira. De skal gjera ende på alle bileta dei har støypt seg, og øydeleggja alle offerhaugane deira.

⁵³Så skal de ta landet og busetja dykk der. For eg har gjeve landet til dykk så de kan ta det i eige.

⁵⁴De skal fordela landet mellom dykk ved loddkasting, slekt for slekt. Ei stor slekt skal få større eigedom og ei lita slekt mindre eigedom til arv. Kvar slekt skal få etter som loddet fell. De skal få arv innanfor den stammen som de høyrer til.

⁵⁵Men driv de ikkje ut dei som bur i landet, då skal dei de sparer, bli tornar i auga og broddar i sida dykkar. Dei kjem til å gå til åtak på dykk inne i landet der de har slått dykk ned.

⁵⁶Då skal eg gjera med dykk som eg hadde tenkt å gjera med dei.