Read nynorsk 2011 Mika 5 Bible Online

Mika 5 - nynorsk 2011 bible

Mika 5

¹ [10] Du, Betlehem, Efrata, minst mellom slektene i Juda! Frå deg lèt eg ein herskar over Israel koma. Hans opphav er frå gammal tid, frå eldgamle dagar.

² Difor skal han overgje dei, heilt til tida er komen då ho som skal føda, har fødd. Då skal resten av brørne hans koma tilbake til Israels born.

³ Han skal stå og gjeta i HERRENS kraft, i HERREN sin Guds høge namn. Og dei skal bu trygt, for no rekk hans makt til endane av jorda.

⁴ Og han skal vera fred. Når assyrarane kjem inn i landet vårt og trakkar inn i borgene våre, då reiser vi imot dei sju hyrdingar, ja, åtte fyrstar.

⁵ [11] Dei skal gjeta Assurs land med sverd, ja, Nimrods land med dregne våpen. Men når assyrarane kjem inn i landet vårt og trakkar over grensene våre, skal han berga oss.

⁶ Då skal Jakobs rest blant talrike folkeslag vera som dogg frå HERREN, som regn på graset. Dei ventar ikkje på nokon mann, set ikkje si von til menneske.

⁷Då skal Jakobs rest blant folka, midt iblant talrike folkeslag, vera som ei løve blant dyra i skogen, som ei ungløve i saueflokkar. Ho fer fram og trakkar ned, ho riv i hel, og ingen bergar.

⁸Lyft handa di mot dei som står deg imot, så alle dine fiendar blir utrydda!

⁹Den dagen, seier HERREN, vil eg utrydda hestane du har, og øydeleggja vognene dine.

¹⁰Eg vil utsletta byane i landet ditt og riva ned alle festningane dine.

¹¹ Eg vil utrydda trolldomskunstene du driv med, og teikntydarar skal du ikkje lenger ha.

¹² Eg vil utrydda gudebileta og steinstøttene du har. Du skal ikkje lenger tilbe noko hendene dine har laga.

¹³Eg vil riva opp Asjera-pålane som er hos deg, og leggja byane dine aude.

¹⁴Eg vil ta hemn i vreide og harme over folkeslag som ikkje vil høyra.