Read nynorsk 2011 Sakarja 5 Bible Online

Sakarja 5 - nynorsk 2011 bible

Sakarja 5

¹Eg lyfte atter auga. Eg såg, og sjå! — ein flygande bokrull.

²[11] Engelen spurde: «Kva ser du?» Eg svara: «Eg ser ein flygande bokrull, tjue alner lang og ti alner brei.»

³Han sa: «Dette er forbanninga som går ut over heile landet. Enno har ikkje dei som stel, fått straff etter forbanninga, og heller ikkje dei som sver.

⁴No sender eg henne ut, seier HERREN over hærskarane. Ho skal koma inn i huset til den som stel, og inn i huset til den som sver falskt ved mitt namn. Ho skal slå seg til i huset og øydeleggja det, både treverk og stein.»

⁵Engelen som tala med meg, steig fram og sa til meg: «Lyft no auga og sjå kva som kjem.»

⁶[12] Eg spurde: «Kva er dette?» Han svara: «Det er efa-målet som nærmar seg.» Så sa han: «Dette er all skulda i landet.»

⁷Og sjå, blyloket lyfte seg, og det sat ei kvinne i efaen!

⁸«Dette er lovløysa», sa han. Så kasta han henne ned att i efaen og la blysteinen over opninga.

⁹Eg lyfte auga. Eg såg, og sjå! — to kvinner nærma seg. Vinden fylte vengene deira, dei hadde venger som storken. Dei lyfte efaen opp mellom jord og himmel.

¹⁰Då spurde eg engelen som tala med meg: «Kvar fer dei med efa-målet?»

¹¹[13] Han svara: «Dei skal byggja eit hus til henne i Sinear-landet. Når det er ferdig, skal ho stillast opp der på sokkel.»