Read nynorsk 2011 Malaki 4 Bible Online

Malaki 4 - nynorsk 2011 bible

Malaki 4

¹ Sjå, dagen kjem, han brenn som ein omn. Alle frekke og alle som gjer urett, skal då vera som halm, dagen som kjem, skal brenna dei opp, seier HERREN over hærskarane. Korkje rot eller grein blir att.

² Men for dykk som fryktar for mitt namn, skal rettferdssola stå opp med lækjedom under vengene sine. De skal sleppa ut og hoppa som kalvar.

³Då skal de trakka ned dei urettferdige, dei skal vera støv under føtene dykkar den dagen eg grip inn, seier HERREN over hærskarane.

⁴ Kom i hug lova eg gav Moses, tenaren min, på Horeb for heile Israel, med forskrifter og bod.

⁵ [8] Sjå, eg sender profeten Elia til dykk før HERRENS dag kjem, den store og skremmande.

⁶ [9] Han skal venda fedrehjarta til borna og barnehjarta til fedrane, så eg ikkje skal koma og slå landet med bann.