Read nynorsk 2011 Josva 15 Bible Online

Josva 15 - nynorsk 2011 bible

Josva 15

¹Ved loddkastinga fekk stammen til Juda, slekt for slekt, området fram til grensa til Edom ved Sin-øydemarka lengst i sør.

²Grensa i sør går ut frå enden av Saltsjøen, frå den vika som ligg lengst i sør,

³og held fram sør for Akrabbim-skardet over til Sin, og vidare oppover sør for Kadesj-Barnea, forbi Hesron opp til Addar. Der svingar ho bortover mot Karka,

⁴går forbi Asmon, når til Egyptarbekken og går ut til havet. Dette skal vera grensa mot sør.

⁵Grensa mot aust er Saltsjøen opp til munningen av Jordan. Grensa mot nord går ut frå den vika av Saltsjøen som Jordan renn ut i,

⁶og går til Bet-Hogla og nord for Bet-Haaraba opp til Bohan-steinen. Bohan var son til Ruben.

⁷Frå Akor-dalen går grensa vidare opp til Debir, svingar nordover til Gilgal, som ligg rett imot Adummim-stigninga sør for elvefaret, og går så til Sjemesj-kjelda og vidare ut til Rogel-kjelda.

⁸Derifrå går grensa opp gjennom Ben-Hinnom-dalen langs sørsida av Jebusitt-høgda, som er Jerusalem, opp til toppen av fjellet som ligg rett vest for Hinnom-dalen, ved nordenden av Refa'im-dalen.

⁹Frå fjelltoppen svingar grensa mot Neftoah-kjelda, held fram til byane ved Efron-berget og går så i ein boge til Baala, som er Kirjat-Jearim.

¹⁰Frå Baala vender grensa vestover til Se'ir-fjellet, går på nordsida av Jearim-fjellet, som er Kesalon, ned til Bet-Sjemesj og vidare til Timna.

¹¹Så går grensa nordover til Ekron-høgda, svingar mot Sjikkeron, går forbi Baala-fjellet til Jabneel og endar ute ved havet.

¹²Grensa mot vest er Storhavet. Dette er grensene rundt området til etterkomarane av Juda, slekt for slekt.

¹³Josva gav Kaleb, son til Jefunne, ein del av landet som låg midt iblant etterkomarane av Juda, slik HERREN hadde sagt Josva. Det var Kirjat-Arba, som var oppkalla etter stamfaren til anakittane, og som no heiter Hebron.

¹⁴Kaleb tok landet til dei tre anakittane som kom derifrå: Sjesjai, Ahiman og Talmai, etterkomarane av Anak.

¹⁵Derifrå drog han ut mot innbyggjarane i Debir. Debir heitte før i tida Kirjat-Sefer.

¹⁶Kaleb sa: «Den som slår Kirjat-Sefer og tek byen, skal få Aksa, dotter mi, til kone.»

¹⁷Otniel, son til Kenas, bror til Kaleb, tok byen, og Kaleb gav han Aksa, dotter si, til kone.

¹⁸Då ho kom, overtala ho han til å be far hennar om eit jordstykke. Ho steig av eselet, og Kaleb spurde henne: «Kva vil du?»

¹⁹Ho svara: «Gjev meg ei gåve! Ettersom du har gjeve meg dette ørkenlandet, må du òg gje meg kjelder med vatn!» Så gav han henne Øvrekjelda og Nedrekjelda.

²⁰Dette er den eigedomen stammen til Juda fekk, slekt for slekt:

²¹byane ytst i området til Juda-stammen ved grensa mot Edom i sør; Kabseel, Eder, Jagur,

²²Kina, Dimona, Adada,

²³Kadesj, Hasor, Jitnan,

²⁴Sif, Telem, Bealot,

²⁵Hasor-Hadatta, Kerijot-Hesron, som no heiter Hasor,

²⁶Amam, Sjema, Molada,

²⁷Hasar-Gadda, Hesjmon, Bet-Pelet,

²⁸Hasar-Sjual, Beer-Sjeba og byane deira,

²⁹Baala, Ijjim, Esem,

³⁰Eltolad, Kesil, Horma,

³¹Siklag, Madmanna, Sansanna,

³²Lebaot, Sjilhim, Ajin og Rimmon, i alt tjueni byar med landsbyar.

³³I låglandet: Esjtaol, Sora, Asjna,

³⁴Sanoah, En-Gannim, Tappuah, Ha'enam,

³⁵Jarmut, Adullam, Soko og Aseka,

³⁶Sjaarajim, Aditajim, Haggedera og Gederotajim, fjorten byar med landsbyar.

³⁷Senan, Hadasja og Migdal-Gad,

³⁸Dilan, Mispe og Jokteel,

³⁹Lakisj, Boskat og Eglon,

⁴⁰Kabbon, Lahmas og Kitlisj,

⁴¹Gederot, Bet-Dagon, Naama og Makkeda, seksten byar med landsbyar.

⁴²Libna, Eter og Asjan,

⁴³Jiftah, Asjna og Nesib,

⁴⁴Ke'ila, Aksib og Maresja, ni byar med landsbyar.

⁴⁵Ekron med byar og landsbyar,

⁴⁶alle byane og landsbyane frå Ekron og vestover mot Asjdod,

⁴⁷og så Asjdod og Gaza med byar og landsbyar, heilt til Egyptarbekken og Storhavet, som er grensa der.

⁴⁸I fjellandet: Sjamir, Jattir og Soko,

⁴⁹Danna og Kirjat-Sanna, som no heiter Debir,

⁵⁰Anab, Esjtemo, Anim,

⁵¹Gosen, Holon og Gilo, elleve byar med landsbyar.

⁵²Arab, Duma og Esjan,

⁵³Janim, Bet-Tappuah og Afeka,

⁵⁴Humta, Kirjat-Arba, det er Hebron, og Sior; ni byar med landsbyar.

⁵⁵Maon, Karmel, Sif, Jutta,

⁵⁶Jisreel, Jokdeam og Sanoah,

⁵⁷Kajin, Gibea og Timna, ti byar med landsbyar.

⁵⁸Halhul, Bet-Sur og Gedor,

⁵⁹Maarat, Bet-Anot og Eltekon, seks byar med landsbyar.

⁶⁰Kirjat-Baal, som er Kirjat-Jearim, og Rabba, to byar med landsbyar.

⁶¹I ørkenen: Bet-Haaraba, Middin og Sekaka,

⁶²Hannibsjan, Ir-Hammelah og En-Gedi, seks byar med landsbyar.

⁶³Men Juda-stammen makta ikkje å ta landet til jebusittane, som budde i Jerusalem. Det bur jebusittar blant etterkomarane av Juda i Jerusalem den dag i dag.