Read nynorsk 2011 1. Timoteus 2 Bible Online

1. Timoteus 2 - nynorsk 2011 bible

1. Timoteus 2

¹Framfor alt legg eg dykk på hjartet å bera fram bøn og påkalling, forbøn og takk for alle menneske.

²Be for kongar og alle som er i leiande stillingar, så vi kan leva eit stilt og fredeleg liv med gudsfrykt og vørdnad i alt vi gjer.

³Dette er godt og noko Gud, vår frelsar, gleder seg over,

⁴han som vil at alle menneske skal bli frelste og læra sanninga å kjenna.

⁵ For Gud er éin, og éin mellommann er det mellom Gud og menneske, mennesket Kristus Jesus,

⁶ [8] han som gav seg sjølv som løysepenge for alle. Det var vitnemålet då tida var komen,

⁷[9] og for det vart eg sett til herold og apostel. Eg seier sanninga, eg lyg ikkje. Eg er ein lærar for folkeslag i tru og sanning.

⁸[10] Eg vil at mennene alle stader skal lyfta reine hender når dei held bøn, utan sinne og strid.

⁹På same måten vil eg at kvinnene skal ha ei fin framferd. Dei skal pynta seg med måte og forstand, ikkje med alle slags flettingar, gullsmykke, perler eller dyre klede,

¹⁰men med gode gjerningar, slik det sømer seg for kvinner som vil leva gudfryktig.

¹¹Når ei kvinne tek imot læra, skal ho vera stille og underordna seg i eitt og alt.

¹²Eg tillèt ikkje ei kvinne å undervisa eller bestemma over mannen; ho skal vera stille.

¹³For Adam vart skapt først, og så Eva.

¹⁴Og det var ikkje Adam som lét seg lokka. Men kvinna lét seg lokka og braut bodet.

¹⁵Men ho skal bli frelst gjennom barnefødselen — berre dei viser forstand og held fast på tru, kjærleik og helging.