Read obolo Ibeb 36 Bible Online

Ibeb 36 - obolo bible

Ibeb 36

¹Mfufuk owot iman kè Isọ, òrere Edọm, ìje ikeyi:

²Isọ ìdo ebibaan̄ Kenan me lek nwa. Ogwu adasi ìre Ada gwun̄ kè Elọn ogwu Et. Ogwu òso iba ore Oyolibama, òrere gwun̄ kè Ana, mè ire si gwun̄ gwun̄ enenwaan̄ kè Sibiọn ogwu Ifi.

³Isọ îdo si Basemat, gwun̄ kè Isimen. Basemat ìre ngwan̄ kè Nebayot.

⁴Ada oneniman Elifaji inyi Isọ, Basemat omaman Rewen.

⁵Oyolibama omaman Jewus, mè Jalam, mè Kora inyi Isọ. Ebibi ere bọn ebirieen̄ ebi ebi nwa kè Isọ emaan̄be inyi Isọ me ido Kenan.

⁶Isọ onenikpulu ebi nwa, mè ebi bọn ebirieen̄ mè ebibaan̄, mè otutuuk ebi uwu kan̄, mè arọọn̄ kan̄ mè eriembuuk kan̄, mè otutuuk inu îkupbe me Kenan ikaan̄, mè isa inan̄a ije ifo ere òjọjọn̄ọ ere me lek kè Jekọp ogwu ngwan̄ isi iluk.

⁷Mije, ema mîkaan̄ inu iwa enenen ikọkọt isa igbaan̄ iluk me ere yaage. Ògak ge, ijọn̄ ere ema ekiluk ya ìkakọt ìben ema, bak me lek uwa anam ema ekaan̄be.

⁸Mije keya ke Isọ onan̄a ije isi iluk me Seya. Isọ ore Edọm.

⁹Mfufuk owot iman kè Isọ, nte ebi Edọm ìluk me ido Seya, ìje ikeyi:

¹⁰Erieen̄ bọn ebirieen̄ kè Isọ ìre Elifaji ogwu Ada omanbe, mè Rewen ogwu Basemat omanbe.

¹¹Elifaji onenibon Teman, mè Omari, mè Sefo, mè Getam, mè Kenaji.

¹²Elifaji gwun̄ kè Isọ îkaan̄ ugan ge ekigwen Timina. Timina yi oman Amalek inyi Elifaji. Ebibi ere bọn ìnan̄a me owot kè Ada nwa kè Iso.

¹³Rewen onenibon Nayat, mè Jera, mè Sama, mè Mija. Ebibi ere bọn ìnan̄a me owot kè Basemat nwa kè Isọ.

¹⁴Isọ îbon si bọn ebirieen̄ me owot kè Oyolibama ogwu nwa, òrere gwun̄ kè Ana òrere gwun̄ enenwaan̄ kè Sibiọn. Erieen̄ kiban̄ ìre Jewus, mè Jalam, mè Kora.

¹⁵Ebi ubọọn̄ ìnan̄a me owot iman kè Isọ eje ikeyi: Elifaji, adasi gwun̄ kè Isọ, obon ebi ubọọn̄ ebi ekigwen Teman, mè Omari, mè Sefo, mè Kenaji,

¹⁶mè Kora, mè Getam, mè Amalek. Ebibi ere ebi ubọọn̄ Edọm ìnan̄a me owot iman kè Elifaji. Ema ere bọn ìnan̄a me owot kè Ada nwa kè Isọ.

¹⁷Ebi ubọọn̄ ebi Rewen gwun̄ kè Isọ obonbe ìre Nayat, mè Jera, mè Sama, mè Mija. Ebibi ere ebi ubọọn̄ Edọm ebi Rewen, gwun̄ kè Basemat nwa kè Isọ obonbe.

¹⁸Ebi ubọọn̄ ìnan̄a me owot kè Oyolibama nwa kè Isọ ìre Jewus, mè Jalam, mè Kora. Ebibi ere ebi ubọọn̄ ebi Oyolibama gwun̄ kè Ana omanbe inyi Isọ ogwu olom.

¹⁹Isọ, òrere Edọm, obon ebi ubọọn̄ kechi.

²⁰Bọn ebirieen̄ kè Seya ogwu Ori, ebi ìkiluk me inyọn̄ ijọn̄ ya, ìre Lotan, mè Soban, mè Sibiọn, mè Ana,

²¹mè Dison, mè Eseri, mè Disan. Ebibi ere ebi ubọọn̄ ebi Ori, me ido Edọm, ebi ìrere bọn kè Seya.

²²Lotan onenibon Ori, mè Eyimam. Timina ore ngwan̄ enenwaan̄ kè Lotan.

²³Soban onenibon Alifan, mè Manayat, mè Eban, mè Sefo, mè Onam.

²⁴Sibiọn obobon Aya, mè Ana. Ana yi ore ogwu òmumun̄ ogbuuruk òkisibi mun̄ ukan̄, me emen èwê mgbọ îkikpukpo inyinya akpan kè Sibiọn ogwu ute.

²⁵Ana ìbon gwun̄ enerieen̄ ge òrere Dison, mè gwun̄ enenwaan̄ ge, òrere Oyolibama.

²⁶Bọn ebirieen̄ kè Dison[78] ìre Emidan, mè Esiban, mè Iteran, mè Keran.

²⁷Bọn ebirieen̄ kè Eseri ìre Biliyan, mè Jayafan, mè Akan.

²⁸Bọn ebirieen̄ kè Disan ìre Usu, mè Aran.

²⁹Erieen̄ ebi ubọọn̄ ebi Ori ìre Lotan, mè Soban, mè Sibiọn, mè Ana,

³⁰mè Dison, mè Eseri, mè Disan. Ebibi ere ebi ubọọn̄ ebi Ori, me egep me egep, ike ema elukbe me ido Seya.

³¹Sabum ebi Ijeren enibene ikikaan̄ ubọọn̄, ebi Edọm mîwuwuuk lek ikikaan̄ ebi ubọọn̄ ìkikpulu ema.

³²Bela gwun̄ kè Beyọ ore adasi ubọọn̄ ebi Edọm. Erieen̄ ama kan̄ ìre Diniyaba.

³³Mgbọ Bela okwube, Jobabu gwun̄ kè Jera ogwu ama Bojira onenikeke ubọọn̄ me irek kan̄.

³⁴Mgbọ Jobabu okwube, Usam ogwu ido Teman onenire ubọọn̄ me irek kan̄.

³⁵Mgbọ Usam okwube, Adadi gwun̄ kè Bedadi ogwu ama Afit, ogwu òtitim akọn̄ ikpan̄ Midian me ido Mowabu, onenikeke ubọọn̄ me irek kan̄.

³⁶Mgbọ Adadi okwube, Samila ogwu ama Masireka onenikana ubọọn̄ me irek kan̄.

³⁷Mgbọ Samila okwube, Sawulu ogwu Reyobot, ama òkup me agba okwaan̄, onenikeke ubọọn̄ me irek kan̄.

³⁸Mgbọ Sawulu okwube, Baali-Anan gwun̄ kè Akibọru onenire ubọọn̄ me irek kan̄.

³⁹Mgbọ Baali-Anan gwun̄ kè Akibọru okwube, Adari[79] ogwu ama Pawu onenire ubọọn̄ me irek kan̄. Ogwu nwa ìre Meyetaben gwun̄ kè Matiredi, òrere gwun̄ enenwaan̄ kè Meyi-Jayabu.

⁴⁰Erieen̄ ebi ubọọn̄ ìnan̄a me owot iman kè Isọ, ike ema elukbe me egep me egep, me irek me irek, me ido Edọm me lek ijọn̄ kiban̄ ìre: Timina, mè Aliba, mè Jetet,

⁴¹mè Oyolibama, mè Ela, mè Pinọn,

⁴²mè Kenaji, mè Teman, mè Mibisari,

⁴³mè Magidien, mè Iram. Ebibi ere ebi ubọọn̄ me Edọm, me egep me egep, ike ema elukbe me inyọn̄ ijọn̄ kiban̄. Isọ ore nte ebi Edọm.