Read obolo I Mfuf 2 Bible Online

I Mfuf 2 - obolo bible

I Mfuf 2

¹Bọn ebirieen̄ kè Ijeren ìre: Ruben, mè Simiọn, mè Libai, mè Juda, mè Isaka, mè Jebulọn,

²mè Dan, mè Josefu, mè Benjamin, mè Nafitali, mè Gadi, mè Ase.

³Bọn ebirieen̄ kè Juda: Eri, mè Onan, mè Siela. Juda ìbon bọn ebirieen̄ ita kechi me owot ogwu enenwaan̄ Kenan ge, gwun̄ enenwaan̄ kè Suwa. Eri, adasi gwun̄ kan̄, oneniluk ikpak ikpak ugwem me chieen̄ Okumugwem, Okumugwem okpakpan̄ ọmọ.

⁴Juda onenigan Tema nwa ogwu gwun̄, mè inibon Pereji mè Jera me owot kè Tema. Otutuuk bọn ebirieen̄ kè Juda enenire ene go.

⁵Bọn ebirieen̄ kè Pereji: Ejirọn mè Amulu.

⁶Bọn ebirieen̄ kè Jera: Jimiri, Etan, mè Eyiman, mè Kalikolu, mè Darida, ema ebirieen̄ go.

⁷Gwun̄ enerieen̄ kè Kami: Ekan,[8] ogwu òtap ebi Ijeren me ufialek, mije îkpulube inu oniin̄ akọn̄ inyi lek kan̄.

⁸Gwun̄ enerieen̄ kè Etan: Ajariya.

⁹Bọn ebirieen̄ kè Ejirọn: Jerameli, mè Ram, mè Kelubai.

¹⁰Ram ore nte kè Aminadap Aminadap onenire nte kè Nasiọn, ene ge me lek ebi ibot mkpulu me Juda.

¹¹Nasiọn onenire nte kè Salima,[9] Salima onenire nte kè Bowaji,

¹²Bowaji onenire nte kè Obedi, Obedi onenire nte kè Jesi.

¹³Jesi onenire nte kè Eliabu adasi ogwu gwun̄ enerieen̄, mè Abinadap, ogwu òso iba, mè Simeya, ogwu òso ita,

¹⁴mè Netanen, ogwu òso ini, mè Radayi, ogwu òso go,

¹⁵mè Osem, ogwu òso gweregwen, mè Debit, ogwu òso jaaba.

¹⁶Erieen̄ ebi ngwan̄ kiban̄ ebibaan̄ ìre Seruya mè Abigen. Seruya oneniman bọn ebirieen̄ ita, Abisai, mè Jowabu, mè Asayen.

¹⁷Abigen oneniman Amasa inyi Jeteri ogwu owot iman kè Isimen.

¹⁸Kelep gwun̄ kè Ejirọn onenibon bọn me owot kè Ajuba ogwu nwa (mè ibon si me owot kè Jeriyọt). Erieen̄ bọn ebirieen̄ ogwu nwa ya ìre: Jesieri, mè Sobabu, mè Aridon.

¹⁹Ajuba onenikwu, Kelep onenisi ido Efarata, Efarata oneniman Uru.

²⁰Uru onenibon Uri, Uri onenibon Bejalen.

²¹Mgbọ Ejirọn osobe akọp acha gweregwen, inenido gwun̄ kè Makiri me lek nwa. Makiri ìre nte kè Giliadi. Ogwu enenwaan̄ ya omaman Segubu inyi Ejirọn.

²²Segubu onenibon Jairi. Jairi okekikpulu akọp ama iba mè ita me Giliadi.

²³(Ike mgbọ okije, ebi ido Gesuru mè ebi ido Aram enenibọkọ asabọn ama kè Jairi cha, mè ibọkọ si ama Kenat melek asabọn ama òkukup ikana. Otutuuk ama ema ebọkọbe onenire akọp ama gweregwen.) Otutuuk ife chi ìre bọn owot iman kè Makiri, nte kè Giliadi.

²⁴Mgbọ Ejirọn okwube iraka me ama Kelep Efarata, Abija nwa kè Ejirọn oneniman Asiyuru inyi Ejirọn. Asiyuru onenire nte ebi ama Tekowa.

²⁵Bọn ebirieen̄ kè Jerameli, adasi gwun̄ kè Ejirọn: Ram, adasi gwun̄, mè Buna, mè Oren, mè Osem, mè Ayija.

²⁶Jerameli îkaan̄ ofifi nwa ogwu erieen̄ kan̄ orebe Atara, îre Atara oman Onam.

²⁷Bọn ebirieen̄ kè Ram, adasi gwun̄ kè Jerameli: Maji, mè Jamin, mè Ekeri.

²⁸Bọn ebirieen̄ kè Onam: Samayi mè Jada. Bọn ebirieen̄ kè Samayi: Nadabu mè Abisuru.

²⁹Erieen̄ nwa kè Abisuru ìre Abiyali. Îre ọmọ oman Aban mè Molidi inyi Abisuru.

³⁰Bọn ebirieen̄ kè Nadabu: Seledi, mè Apayim. Ire, Seledi ìkakaan̄ gwun̄ geege mege îkwube.

³¹Gwun̄ enerieen̄ kè Apayim: Isiyi; Isiyi onenire nte kè Sesan. Sesan onenire nte kè Alayi.

³²Bọn ebirieen̄ kè Jada, ngwan̄ kè Samayi: Jeteri mè Jonatan. Jeteri ìkakaan̄ gwun̄ geege mege îkwube.

³³Bọn ebirieen̄ kè Jonatan: Pelet, mè Jaja. Ebibi ere ebi owot iman kè Jerameli.

³⁴Sesan ìkakaan̄ gwun̄ enerieen̄ geege, ìkaan̄ bọn ebibaan̄ gaalek. Sesan îkaan̄ usun̄ enerieen̄ ge ogwu Ijipiti, ekigwen Jariya.

³⁵Inenisa ogwu gwun̄ enenwaan̄ inyi ogwu usun̄ kan̄ Jariya me lek nwa, gwun̄ enenwaan̄ ya omaman Atai inyi Jariya.

³⁶Atai onenire nte kè Netan, Netan onenire nte kè Jabadi,

³⁷Jabadi onenire nte kè Efilan, Efilan onenire nte kè Obedi,

³⁸Obedi onenire nte kè Jewu, Jewu onenire nte kè Ajariya,

³⁹Ajariya onenire nte kè Eles, Eles onenire nte kè Eliasa,

⁴⁰Eliasa onenire nte kè Sisimai, Sisimai onenire nte kè Salum.

⁴¹Salum onenire nte kè Jekamiya, Jekamiya onenire nte kè Elisama.

⁴²Bọn ebirieen̄ kè Kelep ngwan̄ enerieen̄ kè Jerameli: Meyisa, adasi gwun̄ kè Kelep onenire nte kè Jifu. Jifu onenire nte kè Maresa.[10] Maresa onenire nte kè Eburọn.

⁴³Bọn ebirieen̄ kè Eburọn: Kora, mè Tapuwa, mè Rekem, mè Sema.

⁴⁴Sema ore nte kè Rayam, Rayam onenire nte kè Jọkeyam. Rekem onire nte kè Samayi.

⁴⁵Erieen̄ ibot gwun̄ enerieen̄ ge kè Samayi ìre Mayon. Mayon onenire nte kè Bet Suru.

⁴⁶Efa ogwu ugan kè Kelep oniman Aran, mè Moja, mè Gajeji. Aran onenire nte kè Gajeji.

⁴⁷Bọn ebirieen̄ kè Jadayi: Regem, mè Jotam, mè Gesan, mè Pelet, mè Efa mè Sayafu.

⁴⁸Maaka ogwu ugan kè Kelep oneniman Seberi, mè Tirana.

⁴⁹Ọmọ si oman Sayafu nte kè Madimana, mè iman si Sieba nte kè Makibena melek Gibiya. Akisa ore gwun̄ enenwaan̄ kè Kelep.

⁵⁰Ebibi ere ebi owot iman kè Kelep. Bọn ebirieen̄ kè Uru adasi gwun̄ kè Efarata: Soban òre nte ebi Kiriat Jiarim,

⁵¹mè Salima nte ebi Beteleyem, mè Arefu nte ebi Bet Gaderi.

⁵²Ebi owot iman kè Soban nte ebi Kiriat Jiarim ìre: Arowe, mè ìkike iba owot ebi Manayat,

⁵³mè ebi owot iman ebi Kiriat Jiarim kechi: ebi Itiri, mè ebi Put, mè ebi Sumat, mè ebi Misara. Ebi Sora, mè ebi Esitayon enan̄a me owot iman kechi.

⁵⁴Ebi owot iman kè Salima: Ebi Beteleyem, mè ebi Netofa, mè ebi Atirot Bet Jowabu, mè ìkike iba me lek ebi Manayat, mè ebi Jori,

⁵⁵mè ebi owot iman ebi ìge ikpa ebi ìluk me Jabeji, mè ebi Tira, mè ebi Simeyat, mè ebi Sukat. Ebibi ere ebi Keyin ebi ìnan̄a me Amimat, ogwu ònenire nte ebi owot iman kè Rekabu.