Read obolo I Mfuf 6 Bible Online

I Mfuf 6 - obolo bible

I Mfuf 6

¹Bọn ebirieen̄ kè Libai: Gasiọn, mè Koyat, mè Merari.

²Bọn ebirieen̄ kè Koyat: Amiram, mè Ijiyari, mè Eburọn, mè Ujiyen.

³Bọn kè Amiram: Erọn, mè Mosis, mè Miriam. Bọn ebirieen̄ kè Erọn: Nadabu mè Abiyu, mè Elieja mè Itama.

⁴Elieja onenire nte kè Fineyas, Fineyas onenire nte kè Abisuwa,

⁵Abisuwa onenire nte kè Buki, Buki onenire nte kè Uji,

⁶Uji onenire nte kè Jeraya, Jeraya onenire nte kè Merayot,

⁷Merayot onenire nte kè Amariya, Amariya onenire nte kè Ayitubu,

⁸Ayitubu onenire nte kè Jadọk, Jadọk onenire nte kè Ayimaji,

⁹Ayimaji onenire nte kè Ajariya, Ajariya onenire nte kè Joyanan,

¹⁰Joyanan onenire nte kè Ajariya (ogwu ngwugwa òsi ikwaan̄ me Uwu Mbuban Solomọn onamabe me Jeruselem).

¹¹Ajariya onenire nte kè Amariya, Amariya onenire nte kè Ayitubu,

¹²Ayitubu onenire nte kè Jadọk, Jadọk onenire nte kè Salum,

¹³Salum onenire nte kè Ilikiya, Ilikiya onenire nte kè Ajariya,

¹⁴Ajariya onenire nte kè Seraya, Seraya onire nte kè Jeyosadak.

¹⁵Jeyosadak òwa me lek ebi ekpulube me akọn̄ mgbọ Okumugwem oriabe Nebukadineja ibe inikpulu ebi Juda mè ebi Jeruselem me usun̄ akọn̄.

¹⁶Bọn ebirieen̄ kè Libai: Gasiọn,[17] mè Koyat, mè Merari.

¹⁷Erieen̄ bọn ebirieen̄ kè Gasiọn ìre: Libini mè Simei.

¹⁸Bọn ebirieen̄ kè Koyat: Amiram, mè Ijiyari, mè Eburọn, mè Ujiyen.

¹⁹Bọn ebirieen̄ kè Merari: Mali mè Musi. Ebi otoko kè Libai, me erieen̄ nte kiban̄ ìre:

²⁰Ebi owot iman kè Gasiọn: Libini gwun̄ kè Gasiọn, mè Jayat gwun̄ kè Libini, mè Jima gwun̄ kè Jayat,

²¹mè Jowa gwun̄ kè Jima, mè Ido gwun̄ kè Jowa, mè Jera gwun̄ kè Ido, mè Jeyaterai gwun̄ kè Jera.

²²Ebi owot iman kè Koyat: Aminadap gwun̄ kè Koyat, mè Kora gwun̄ kè Aminadap, mè Asiri gwun̄ kè Kora,

²³mè Elikana gwun̄ kè Asiri, mè Ebiyasafu gwun̄ kè Elikana, mè Asiri gwun̄ kè Ebiyasafu,

²⁴mè Tayat gwun̄ kè Asiri, mè Uriyen gwun̄ kè Tayat, mè Ujaya gwun̄ kè Uriyen, mè Sawulu gwun̄ kè Ujaya.

²⁵Bọn owot iman kè Elikana: Amasai, mè Ayimot,

²⁶mè Elikana. Ebi owot iman kè Elikana: Sofai gwun̄ kè Elikana, mè Nayat gwun̄ kè Sofai,

²⁷mè Eliabu gwun̄ kè Nayat, mè Jeroyam gwun̄ kè Eliabu, mè Elikana gwun̄ kè Jeroyam, mè Samien gwun̄ kè Elikana.

²⁸Bọn ebirieen̄ kè Samien: Juwen[18] ore adasi, Abija onire ogwu òso iba.

²⁹Ebi owot iman kè Merari: Mali gwun̄ kè Merari, mè Libini gwun̄ kè Mali, mè Simei gwun̄ kè Libini, mè Uja gwun̄ kè Simei,

³⁰mè Simeya gwun̄ kè Uja, mè Agiya gwun̄ kè Simeya, mè Ajaya gwun̄ kè Agiya.

³¹Îkaan̄ ebi Debit otobe me ibot ikọt okwa me Uwu Mbuban Okumugwem mgbọ okop inyan̄a-ibot isinu inire ere ya.

³²Îre ife chi ekikọt okwa me isi Akpatan̄ Mbuban ya, òrere si Atanga Chinichini, mege ire mgbọ Solomọn onamabe Uwu Mbuban Okumugwem me Jeruselem. Ema mîsi ikwaan̄ kiban̄ si igọọk me ubọk edọmọbe inyi ema.

³³Ebi ìkọt okwa chi melek ebi bọn ìre: Ebi owot iman kè Koyat: Eyiman ogwu òkọt okwa, òrere gwun̄ kè Juwen, gwun̄ kè Samien,

³⁴gwun̄ kè Elikana, gwun̄ kè Jeroyam, gwun̄ kè Elien, gwun̄ kè Towa,

³⁵gwun̄ kè Sufu, gwun̄ kè Elikana, gwun̄ kè Mayat, gwun̄ kè Amasai,

³⁶gwun̄ kè Elikana, gwun̄ kè Juwen, gwun̄ kè Ajariya, gwun̄ kè Jefanaya,

³⁷gwun̄ kè Tayat, gwun̄ kè Asiri, gwun̄ kè Ebiyasafu, gwun̄ kè Kora,

³⁸gwun̄ kè Ijiyari, gwun̄ kè Koyat, gwun̄ kè Libai, gwun̄ kè Ijeren,

³⁹melek Asafu ngwan̄ kè Eyiman, ogwu òrere ogwu ibot òso iba me lek ebi ìkọt okwa: Asafu ìre gwun̄ kè Berekaya, gwun̄ kè Simeya,

⁴⁰gwun̄ kè Maiken, gwun̄ kè Bayaseya, gwun̄ kè Malikija,

⁴¹gwun̄ kè Etini, gwun̄ kè Jera, gwun̄ kè Adaya,

⁴²gwun̄ kè Etan, gwun̄ kè Jima, gwun̄ kè Simei,

⁴³gwun̄ kè Jayat, gwun̄ kè Gasiọn, gwun̄ kè Libai.

⁴⁴Etan ogwu owot iman kè Merari, ngwan̄ kiban̄, ore ogwu ibot òso ita me lek ebi ìkọt okwa. Ebi owot iman kiban̄ ìre: Etan gwun̄ kè Kis, gwun̄ kè Abidi, gwun̄ kè Maluk,

⁴⁵gwun̄ kè Asabiya, gwun̄ kè Amajiya, gwun̄ kè Ilikiya,

⁴⁶gwun̄ kè Amiji, gwun̄ kè Bani, gwun̄ kè Semeri,

⁴⁷gwun̄ kè Mali, gwun̄ kè Musi, gwun̄ kè Merari, gwun̄ kè Libai.

⁴⁸Ebi ngwan̄ kiban̄, ebi otoko kè Libai ke enyi otutuuk ofifi ikwaan̄ geelek me Atanga Mbuban, òrere Uwu Mbuban Awaji.

⁴⁹Sà Erọn melek ebi owot iman kan̄ ere ebi ìkigwa ngwugwa me inyọn̄ ntook ngwugwa ewọwọp, mè ikiwọp si nsensi me inyọn̄ ntook nsensi, mè ikirọ otutuuk chieen̄ ikwaan̄ geelek ògbaan̄ me lek Ere Òkup Mbuban Ichit, mè ikirọ esuuk me ibot otutuuk ebi Ijeren, igọọk me ike Mosis ogwu ikwaan̄ Awaji onyibe ida.

⁵⁰Ebi owot iman kè Erọn ìre: Elieja gwun̄ kè Erọn, mè Fineyas gwun̄ kè Elieja, mè Abisuwa gwun̄ kè Fineyas,

⁵¹mè Buki gwun̄ kè Abisuwa, mè Uji gwun̄ kè Buki, mè Jeraya gwun̄ kè Uji,

⁵²mè Merayot gwun̄ kè Jeraya, mè Amariya gwun̄ kè Merayot, mè Ayitubu gwun̄ kè Amariya,

⁵³mè Jadọk gwun̄ kè Ayitubu, mè Ayimaji gwun̄ kè Jadọk.

⁵⁴Ebi owot iman kè Erọn, òrere ebi ìnan̄a me owot iman kè Koyat, ekaan̄ adasi uche ìrot me oke ijọn̄ edọmọbe inyi ebi otoko kè Libai. Ama kiban̄ me inyọn̄ ijọn̄ ìrot kiban̄ ìre ikechi:

⁵⁵Mînyi ema ama Eburọn me Juda, igbaalek otutuuk ijọn̄ urie anam òkukup ikana.

⁵⁶Ire, ijọn̄ uko mè asabọn ama echi òkup ikana ama kiban̄ me agan̄ ya ke esa inyi Kelep gwun̄ kè Jefune.

⁵⁷Ebi owot iman kè Erọn ke enyi ama Eburọn, (ama itap-ibot), mè Libina, mè Jatiri, mè Esitemowa,

⁵⁸mè Ilen melek ijọn̄ urie anam kan̄, mè Debiri melek ijọn̄ urie anam kan̄,

⁵⁹mè Asan melek ijọn̄ urie anam kan̄,[19] mè Bet Semes melek ijọn̄ urie anam kan̄.

⁶⁰Me lek ijọn̄ ebi otoko kè Benjamin ke enyi ema Geba melek ijọn̄ urie anam kan̄, mè Alemet melek ijọn̄ urie anam kan̄, mè Anatọt melek ijọn̄ urie anam kan̄. Otutuuk ama enyibe ebi owot iman kè Erọn, me ototun̄ ukan̄ me ototun̄ ukan̄, ìre akọp mè ama ita.

⁶¹Ebi owot iman kè Koyat kechilọ ke enyi akọp ama me lek ijọn̄ ìrot bọn owot iman ebi ìkike iba otoko kè Manasi.

⁶²Ebi owot iman kè Gasiọn, me ototun̄ ukan̄ me ototun̄ ukan̄, ke enyi akọp mè ama ita me lek ijọn̄ ìrot ebi otoko kè Isaka, mè otoko kè Ase mè otoko kè Nafitali, mè okpọkọ otoko kè Manasi ebi ìluk me agan̄ Basan.

⁶³Ebi owot iman kè Merari, me ototun̄ ukan̄ me ototun̄ ukan̄, ke enyi akọp mè ama iba, me ijọn̄ ìrot ebi otoko kè Ruben, mè ebi otoko kè Gadi, mè ebi otoko kè Jebulọn.

⁶⁴Ikeya ke ebi Ijeren eche ama melek ijọn̄ urie anam kiban̄ inyi ebi otoko kè Libai.

⁶⁵Eroroon̄ nriroon̄ isa iche ama chi ebakbe erieen̄ me otoko kè Juda, mè otoko kè Simiọn, mè otoko kè Benjamin.

⁶⁶Usini ebi owot iman kè Koyat ke enyi ama melek ijọn̄ urie anam kiban̄ me lek ijọn̄ ebi otoko kè Iferem.

⁶⁷Me inyọn̄ ijọn̄ ogoon̄ ogoon̄ ebi otoko kè Iferem ke enyi ema ama Sekem (ama itap-ibot) melek ijọn̄ urie anam kan̄, mè Gejeri melek ijọn̄ urie anam kan̄,

⁶⁸mè Jokimeyam melek ijọn̄ urie anam kan̄, mè Bet Oron melek ijọn̄ urie anam kan̄,

⁶⁹mè Ajalọn melek ijọn̄ urie anam kan̄, mè Gat Rimọn melek ijọn̄ urie anam kan̄.

⁷⁰Me ijọn̄ ìrot ebi ìkike iba otoko kè Manasi ke esa Aneri melek ijọn̄ urie anam kan̄, mè Bileyam melek ijọn̄ urie anam kan̄ inyi ebi owot iman kè Koyat kechilọ ìsisik.

⁷¹Ama echi enyibe ebi owot iman kè Gesiọm ìre ikeyi: Me ijọn̄ ìkike iba ebi otoko kè Manasi, enyi ema Golan òkup me agan̄ Basan melek ijọn̄ urie anam kan̄, mè Asitarot melek ijọn̄ urie anam kan̄.

⁷²Me otoko kè Isaka, enyi ema Kedes melek ijọn̄ urie anam kan̄, mè Daberat melek ijọn̄ urie anam kan̄,

⁷³mè Ramot melek ijọn̄ urie anam kan̄, mè Anem melek ijọn̄ urie anam kan̄.

⁷⁴Me otoko kè Ase, enyi ema Masan melek ijọn̄ urie anam kan̄, mè Abidọn melek ijọn̄ urie anam kan̄,

⁷⁵mè Ukok melek ijọn̄ urie anam kan̄, mè Reyobu melek ijọn̄ urie anam kan̄.

⁷⁶Me otoko kè Nafitali, enyi ema Kedes eyi òkup me Galili melek ijọn̄ urie anam kan̄, mè Amon melek ijọn̄ urie anam kan̄, mè Kiriatayim melek ijọn̄ urie anam kan̄.

⁷⁷Ama echi enyibe ebi owot iman kè Merari ebi ìsisik[20] ìre ikeyi: Me otoko kè Jebulọn, enyi ema Jokineyam melek ijọn̄ urie anam kan̄, mè Karita melek ijọn̄ urie anam kan̄, mè Rimono melek ijọn̄ urie anam kan̄, mè Tabọ melek ijọn̄ urie anam kan̄.

⁷⁸Me otoko kè Ruben me usaba okwaan̄ Jodan me agan̄ mbum-ura Jeriko, enyi ema Beseri eyi òkup me emen èwê melek ijọn̄ urie anam kan̄, mè Jasa melek ijọn̄ urie anam kan̄,

⁷⁹mè Kedemọt melek ijọn̄ urie anam kan̄, mè Mefayat melek ijọn̄ urie anam kan̄.

⁸⁰Me otoko kè Gadi, enyi ema Ramot eyi òkup me Giliadi melek ijọn̄ urie anam kan̄, mè Mayanayim melek ijọn̄ urie anam kan̄,

⁸¹mè Esibon melek ijọn̄ urie anam kan̄, mè Jajeri melek ijọn̄ urie anam kan̄.