Read obolo I Mfuf 7 Bible Online

I Mfuf 7 - obolo bible

I Mfuf 7

¹Bọn ebirieen̄ kè Isaka: Tola, mè Puwa, mè Jasubu, mè Simiron.

²Bọn ebirieen̄ kè Tola: Uji, mè Refaya, mè Jerien, mè Jamai, mè Ibisam, mè Samien, ebibi ere ebi ibot me owot iman kiban̄. Me ukot mgbọ Debit okikpulu, ebi owot iman kè Tola ebi ìrere ebi akọn̄ ìre akọp obop ene iba me obop iba, mè efit ene gweregwen.

³Gwun̄ enerieen̄ kè Uji: Ijiraya. Bọn ebirieen̄ kè Ijiraya: Maiken, mè Obidaya, mè Juwen, mè Isiya. Ema ebirieen̄ go chi ìre ebi ibot.

⁴Me mfufuk owot iman kiban̄, ema ekaan̄ akọp obop ene ita mè obop gweregwen, ebirieen̄ ebi ìkaan̄ efuuk akọn̄, mije ema ekaan̄be owuwa nwa, mè iboon̄ si owuwa bọn.

⁵Ebi ngwan̄ kiban̄, ebi otoko kè Isaka, ebi ìriọọn̄ ukot akọn̄, kubọk egebe me emen ikpa mfufuk owot iman kiban̄, ìre akọp obop ene jeeta mè obop jaaba.

⁶Bọn ebirieen̄ kè Benjamin: Bela, mè Bekeri, mè Jediyayen.

⁷Bọn ebirieen̄ kè Bela: Esibon, mè Uji, mè Ujiyen, mè Jerimot, mè Iri, ebi ene go chi ere ebi ibot owot iman kiban̄, mè ire si ebi usọ akọn̄. Kubọk egebe me emen ikpa mfufuk owot iman kiban̄, ema ekaan̄ akọp obop ene iba mè obop iba, mè akọp ene ita mè ini, ebi usọ akọn̄.

⁸Bọn ebirieen̄ kè Bekeri: Jemira, mè Jowas, mè Elieja, mè Elioyenai, mè Omiri, mè Jeremot, mè Abija, mè Anatọt, mè Alemet, otutuuk chi ere bọn ebirieen̄ kè Bekeri.

⁹Kubọk egebe me emen ikpa mfufuk owot iman kiban̄, me ukot me ukot, ebi ibot owot iman kiban̄ mè ebi usọ akọn̄ kiban̄ ìre akọp obop ene iba mè efit ene iba.

¹⁰Gwun̄ enerieen̄ kè Jediyayen: Biliyan. Bọn ebirieen̄ kè Biliyan: Jewus, mè Benjamin, mè Ewudu, mè Kenayana, mè Jetan, mè Tasis, mè Ayisayari.

¹¹Otutuuk ife chi ìre bọn ebirieen̄ kè Jediyayen, ema ere ebi ibot owot iman kiban̄, mè ire si ebi usọ akọn̄. Ema ìre akọp mè obop ene jaaba, mè efit ene iba ebi ìkigọọk isibi isi akọn̄.

¹²Supim mè Upim ìre ebi owot iman kè Iri, sà Usim ore ogwu owot iman kè Ayeri.

¹³Bọn ebirieen̄ kè Nafitali: Jajien, mè Guni, mè Jeseri, mè Salum.[21] Ema ìre bọn owot iman kè Biliya.

¹⁴Ebi owot iman kè Manasi: Manasi ìbon bọn ebirieen̄ iba, Asirien mè Makiri, me owot ogwu enenwaan̄ Aram ogwu ugan kan̄. Makiri onenire nte kè Giliadi.

¹⁵Makiri onenido nwa inyi Upim mè Supim. Makiri îkaan̄ ngwan̄ enenwaan̄ ge ekigwen Maaka. Ofifi ogwu owot iman kè Manasi ìre Jelofeyadi. Jelofeyadi ìbon bọn ebibaan̄ gaalek.

¹⁶Maaka, nwa kè Makiri, oneniman gwun̄ enerieen̄ ge, mè inyi erieen̄ Peres, mè iman si ofifi gwun̄ enerieen̄ ogwu egwenbe Seres. Peres onenibon bọn ebirieen̄ iba, Ulam mè Rekem.

¹⁷Gwun̄ enerieen̄ kè Ulam: Bedan. Ebibi ere bọn ebirieen̄ kè Giliadi gwun̄ kè Makiri gwun̄ kè Manasi.

¹⁸Amoleket, ngwan̄ enenwaan̄ kè Giliadi, oneniman Isiodu, mè Abieja, mè Mala.

¹⁹Bọn ebirieen̄ kè Semida ìre: Ayian, mè Sekem, mè Likiyi, mè Aniam.

²⁰Ebi owot iman kè Iferem: Sutela gwun̄ kè Iferem, mè Beredi gwun̄ kè Sutela, mè Tayat gwun̄ kè Beredi, mè Eleda gwun̄ kè Tayat, mè Tayat gwun̄ kè Eleda,

²¹mè Jabadi gwun̄ kè Tayat, mè Sutela gwun̄ kè Jabadi. Iferem îkaan̄ si ofifi bọn ebirieen̄ iba ebi ekigwen Ejeri melek Eliadi. Ebirieen̄ ebi Gat, ebi emanbe me ama Gat, enenikpan̄ Ejeri mè Eliadi mgbọ egọọkbe inu ibenichiin̄ anam me agan̄ ya.

²²Iferem nte kiban̄ ofefieek ejit inyi ema owuwa usen, ebi ngwan̄ kan̄ enunu inikikat ọmọ ejit.

²³Iferem onenikpọk igọọk ogwu nwa ilaak, ininin̄ owot, mè iman gwun̄ enerieen̄. Iferem onyinyi gwun̄ ya erieen̄ Beria,[22] mije ufialek ya òrọrọn̄ ikeme ototun̄ ukan̄ kan̄.

²⁴Ogwu gwun̄ enenwaan̄ ke ekigwen Seyera. Seyera onama ama Bet Oron eyi agan̄ osiki mè eyi agan̄ inyọn̄, mè inama si ama Ujen Seyera.

²⁵Iferem obon si Refa, Refa onenibon Resefu, Resefu onenibon Tela, Tela onenibon Tayan,

²⁶Tayan onenibon Ladan, Ladan onenibon Amiyudu, Amiyudu onenibon Elisama,

²⁷Elisama onenibon Nun, Nun onenibon Josuwa.

²⁸Oke ijọn̄ kiban̄ mè ama kiban̄ ìre Beten melek asabọn ama òkukup ikana, mè Nayaran òkup me agan̄ mbum-ura, mè Gejeri me agan̄ ichep-ura, melek asabọn ama òkukup ikana, mè Sekem melek asabọn ama òkukup ikana, mege isi igwook me Aya melek asabọn ama òkukup ikana.

²⁹Oke ijọn̄ kiban̄ òkup me otubọk ijọn̄ ebi otoko kè Manasi ìre Bet San melek asabọn ama òkukup ikana, mè Tayanak melek asabọn ama òkukup ikana, mè Megido melek asabọn ama òkukup ikana, mè Doru melek asabọn ama òkukup ikana. Îre me ama kechi ke ebi otoko kè Josefu gwun̄ kè Ijeren eluk.

³⁰Bọn ebirieen̄ kè Ase: Imina, mè Isiba, mè Isibi, mè Beria. Ngwan̄ kiban̄ enenwaan̄ ore Sera.

³¹Bọn ebirieen̄ kè Beria: Eberi, mè Malikien ogwu ònenire nte kè Birijayit.

³²Eberi onenibon Jafilet, mè Someri, mè Otam, mè ibon si Suwa ngwan̄ kiban̄ enenwaan̄.

³³Bọn ebirieen̄ kè Jafilet: Pasak, mè Bimiyan, mè Asibat. Ebibi ere bọn ebirieen̄ kè Jafilet.

³⁴Bọn ebirieen̄ kè Someri: Ayi, mè Royaga, mè Yuba, mè Aram.

³⁵Bọn ebirieen̄ kè Elem ngwan̄ kè Someri: Jofa, mè Imina, mè Seles, mè Aman.

³⁶Bọn ebirieen̄ kè Jofa: Suwa, mè Aneferi, mè Suwali, mè Beri, mè Imira,

³⁷mè Beseri, mè Odu, mè Sama, mè Silisa, mè Iteran, mè Beyera.

³⁸Bọn ebirieen̄ kè Jeteri: Jefune, mè Pisipa, mè Ara.

³⁹Bọn ebirieen̄ kè Ula: Ara, mè Anien, mè Risa.

⁴⁰Otutuuk ife chi ìre ebi otoko kè Ase, mè ire si ebi ibot me owot iman me owot iman, ebi egogobo isibi, ebi usọ akọn̄ ìrọriọọn̄ ukot akọn̄ ijaan̄, mè ire si ebi ibot eriọọn̄be erieen̄. Me mfufuk owot iman kiban̄, ema mîkaan̄ akọp obop ebirieen̄ iba mè obop gweregwen, ebi ìkitim akọn̄.