Read obolo Ejira 2 Bible Online

Ejira 2 - obolo bible

Ejira 2

¹Ebibi ìre ebi Ju ebi ido Juda ìkup me etete ebi usun̄ akọn̄, ebi Nebukadineja ogwu ubọọn̄ Babilọn okpulube me akọn̄ inigwook me ido Babilọn. Ema enenigwu ikom ika inu Jeruselem, mè Juda, ogwu ikup, oje ofo ama kiban̄.

²Ebi ibot kiban̄ ìre Jerubaben, mè Jesuwa, mè Neyemaya, mè Seraya, mè Reyelaya, mè Mọdikai, mè Bilisan, mè Misipa, mè Bigibai, mè Reyum, mè Bayana. Otu ifuk ebirieen̄ ebi Ijeren ebi ìnan̄a me agan̄ Babilọn ika ìre ikeyi:

³Ebi owot iman kè Paros, obop iba mè efit mè akọp jaaba mè iba,

⁴ebi owot iman kè Sefatiya, efit ita mè akọp jaaba mè iba,

⁵ebi owot iman kè Ara, efit jaaba mè akọp jaaba mè go,

⁶ebi owot iman kè Payat-Mowabu, (bọn kè Jesuwa mè Jowabu), obop iba mè efit jeeta mè akọp mè iba,

⁷ebi owot iman kè Elam, obop mè efit iba mè akọp go mè ini,

⁸ebi owot iman kè Jatu, efit onaan̄ge mè akọp ini mè go,

⁹ebi owot iman kè Jakai, efit jaaba mè akọp gweregwen,

¹⁰ebi owot iman kè Bani, efit gweregwen mè akọp ini mè iba,

¹¹ebi owot iman kè Bebai, efit gweregwen mè akọp iba mè ita,

¹²ebi owot iman kè Ajigadi, obop mè efit iba mè akọp iba mè iba,

¹³ebi owot iman kè Adonikam, efit gweregwen mè akọp gweregwen mè gweregwen,

¹⁴ebi owot iman kè Bigibai, obop iba mè akọp go mè gweregwen,

¹⁵ebi owot iman kè Adin, efit ini mè akọp go mè ini,

¹⁶ebi owot iman kè Ateri, (bọn kè Ejikaya), akọp onaan̄ge mè jeeta,

¹⁷ebi owot iman kè Bejai, efit ita mè akọp iba mè ita,

¹⁸ebi owot iman kè Jora, efit mè akọp mè iba,

¹⁹ebi owot iman kè Asum, efit iba mè akọp iba mè ita,

²⁰ebi owot iman kè Gibari, akọp onaan̄ge mè go,

²¹ebirieen̄ ebi ama Beteleyem, efit mè akọp iba mè ita,

²²ebirieen̄ ebi ama Netofa, akọp go mè gweregwen,

²³ebirieen̄ ebi ama Anatọt, efit mè akọp iba mè jeeta,

²⁴ebirieen̄ ebi ama Ajimabet, akọp ini mè iba,

²⁵ebirieen̄ ebi ama Kiriat Jiarim mè Kefira mè Bierot, efit jaaba mè akọp ini mè ita,

²⁶ebirieen̄ ebi ama Rama mè Geba, efit gweregwen mè akọp iba mè ge,

²⁷ebirieen̄ ebi ama Mikimas, efit mè akọp iba mè iba,

²⁸ebirieen̄ ebi ama Beten mè Ai, efit iba mè akọp iba mè ita,

²⁹ebirieen̄ ebi ama Nebo, akọp go mè iba,

³⁰ebirieen̄ ebi ama Magibis, efit mè akọp go mè gweregwen,

³¹ebirieen̄ ebi ofifi ama Elam, obop mè efit iba mè akọp go mè ini,

³²ebirieen̄ ebi ama Arim, efit ita mè akọp iba,

³³ebirieen̄ ebi ama Lodi, mè Adidi mè Ono, efit jaaba mè akọp iba mè go,

³⁴ebirieen̄ ebi ama Jeriko, efit ita mè akọp ini mè go,

³⁵ebirieen̄ ebi ama Senaya, obop ita mè efit gweregwen mè akọp ita.

³⁶Owot ebi ngwugwa: ebi owot iman kè Jedaya, (bọn kè Jesuwa), efit onaan̄ge mè akọp jaaba mè ita,

³⁷ebi owot iman kè Imeri, obop mè akọp go mè iba,

³⁸ebi owot iman kè Pasuru, obop mè efit iba mè akọp ini mè jaaba,

³⁹ebi owot iman kè Arim, obop mè akọp mè jaaba.

⁴⁰Ebi otoko kè Libai: ebi owot iman kè Jesuwa mè Kadimien, (bọn kè Odabia), akọp jaaba mè ini.

⁴¹Ebi ìkọt okwa: ebi owot iman kè Asafu, efit mè akọp iba mè jeeta.

⁴²Ebi ìkibem otunchit Uwu Mbuban: Ebi owot iman kè Salum, mè Ateri, mè Talimon, mè Akubu, mè Atita mè Sobai, efit mè akọp ita mè onaan̄ge.

⁴³Ebi bọn ikwaan̄ Uwu Mbuban: Ebi owot iman kè Jiya, mè Asufa, mè Tabayot,

⁴⁴mè Kerọs, mè Siyaya, mè Padọn,

⁴⁵mè Lebana, mè Agaba, mè Akubu,

⁴⁶mè Agabu, mè Salimai, mè Yanan,

⁴⁷mè Giden, mè Gayari, mè Reyaya,

⁴⁸mè Rejin, mè Nekoda, mè Gajam,

⁴⁹mè Uja, mè Paseya, mè Besayi,

⁵⁰mè Asina, mè Meyunim, mè Nefusim,

⁵¹mè Bakibuk, mè Akufa, mè Ariyuri,

⁵²mè Bajilut, mè Meyida, mè Arasa,

⁵³mè Bakọs, mè Sisera, mè Tema,

⁵⁴mè Nejia, mè Atifa.

⁵⁵Ebi owot iman ebi ìkisi ikwaan̄ inyi Solomọn: Ebi owot iman kè Sotai, mè Asoferet, mè Peruda,

⁵⁶mè Jayala, mè Darikon, mè Giden,

⁵⁷mè Sefatiya, mè Atin, mè Pokeret-Ajebayim, mè Ami.

⁵⁸Bọn ikwaan̄ Uwu Mbuban, mè ebi owot iman ebi ìkisi ikwaan̄ inyi Solomọn, efit ita mè akọp onaan̄ge mè iba.

⁵⁹Ebibi enan̄a me ama Teli Mela, mè Teli Arasa, mè Kerubu, mè Adan, mè Imeri, ama ebi Babilọn, ire, ema kpeyaka ikọt iriọọn̄ mè ìre ebi uwu nte kiban̄ mè ebi owot iman kiban̄ ìre ebi Ijeren, mè ìre kpere:

⁶⁰Ebi owot iman kè Delaya, mè Tobaya, mè Nekoda, efit gweregwen mè akọp go mè iba.

⁶¹Ebi owot iman ebi ngwugwa: Ebi owot iman kè Obaya, mè Akoji, mè Bajilai (ogwu òdo gwun̄ enenwaan̄ kè Bajilai ogwu Giliadi, mè inikichieek erieen̄ nte ogwu nwa).

⁶²Ebibi mîwọlọ emen ikpa ikpọ, kpemun̄ erieen̄ ebi owot iman kiban̄. Mije keyi, kpeyaka imọnọ ema kubọk ebi ngwugwa, emun̄ ema kubọk ebi ìchaka mbuban.

⁶³Ogwu ibot mkpulu oneninyi ida ibe ema ekarie inorie geege òkup mbuban ichit mege ire mgbọ geelek ogwu ngwugwa ge mônube, mè inisa Urim mè Tumim iweek iriọọn̄ mè ema ìre ebi ngwugwa me atikọ.

⁶⁴Otu ifuk otutuuk kiban̄ ebi ìkaka ìre akọp obop ini mè obop iba mè efit ita mè akọp gweregwen.

⁶⁵Kpefuk ebi usun̄ ebirieen̄ mè usun̄ ebibaan̄ kiban̄ igbaalek. Otu ifuk ebi usun̄ chi ìre obop jaaba mè efit ita mè akọp ita mè jaaba. Kpefuk si efit ene iba, ebirieen̄ mè ebibaan̄ ebi ìkọt okwa, igbaalek.

⁶⁶Ema mîkaan̄ inyinya, efit jaaba mè akọp ita mè gweregwen, mè ikaan̄ si inyinya mgbidim ukot, efit iba mè akọp ini mè go,

⁶⁷mè ikaan̄ aligọ, efit ini mè akọp ita mè go, mè inyinya akpan, obop gweregwen mè efit jaaba mè akọp iba.

⁶⁸Mgbọ ema ekikabe inire Uwu Mbuban Okumugwem me Jeruselem, usini ebi ibot owot iman cha enyinyi owuwa inyinyi ata ejit, inyi mêsabe igbaalek ikpọk inama Uwu Mbuban Awaji me inyọn̄ ǹrioon̄ kan̄.

⁶⁹Ema mînyi inyinyi ata ejit ya ike ubọk kiban̄ osoon̄be. Inu ema ekpebe itap me uwu isun̄-inu, inyi mêsabe irọ ikwaan̄ ya ìre: efit kilo alata araran̄ go, mè obop kilo alata okuket iba, mè efit kilo jeeta, igbaalek efit ofọnti ebi ngwugwa.

⁷⁰Ebi ngwugwa, mè ebi otoko kè Libai, mè ebi ìkọt okwa, mè ebi ìkibem otunchit, mè bọn ikwaan̄ Uwu Mbuban eluluk me ama echi kiban̄, ema melek usini ebi ene. Otutuuk ebi Ijeren kechilọ eluluk me ama cha ere ema enan̄abe.