Read obolo Isis 11 Bible Online

Isis 11 - obolo bible

Isis 11

¹Okumugwem onenitumu inyi Mosis ibe, “Ùrioon̄ ge gaalek osik mâsabe inu me lek ogwu Fero, mè lek otutuuk ebi Ijipiti. Eyiya isiraka, ogwu Fero môtele enyi enan̄a efon. Me atikọ, mgbọ ìbotele ibe enyi enan̄a efon, ìborerieen̄ enyi otutuuk itap me oniin̄, ibe enyi enan̄a esibi me ido kan̄.

²Eya orọ, tumu nyi ebi Ijeren ebirieen̄ mè ebibaan̄ ibe, ogwu ikup, isi lek ogwu Ijipiti ogwu melek kan̄ egbaan̄be iluk, isi ibeek inu alata araran̄, mè echi alata okuket.”

³Me mgbọ ya, Okumugwem orọrọ inyi ebi Ijipiti ekaan̄ ata ejit me lek ebi Ijeren, mè irọ si inyi ebi ibot ikwaan̄ ogwu Fero mè otutuuk ebi Ijipiti enenimọnọ Mosis kubọk ogwu òmimin enenen.

⁴Mosis onenitumu inyi ogwu Fero ibe, “Okumugwem ìbe, me ejit eririeen̄ cherekeyi, ke ọmọ môje ikana me etete ebi Ijipiti,

⁵ke otutuuk adasi bọn ebirieen̄ ebi Ijipiti mêkwaan̄ ita kpai, bene me lek adasi gwun̄ enerieen̄ kwun̄, ogwu Fero, ogwu môkupbe me inyọn̄ ogboon̄ ubọọn̄ kwun̄,[6] re lek adasi gwun̄ enerieen̄ ogwu ogwu usun̄ enenwaan̄ òkikọk akpa omanbe, mè adasi orie anam eyi anam uwu geelek omanbe.

⁶Mgbọ ya, uga ukpo ito môtaan̄ me otutuuk ido Ijipiti. Kperarak inọ ojelek ito keya me ido Ijipiti, kpebeyaka inọnọ si ojelek kan̄ ofifi.

⁷Ire, me etete otutuuk ebi Ijeren, kpunu unan geege obore lek ebilene mè ìyaka ire lek anam geege. Sa me ikeya ke enyi ebesa iriọọn̄ ibe ke Okumugwem îtap oke me etete ebi Ijipiti mè ebi Ijeren.

⁸Me mgbọ ya, otutuuk ebi ibot ikwaan̄ kwun̄ chi mêje inu me lek n̄a, mè initọbọ ekpe inyi emi, mè ikiriaak emi ibe, ‘Soso sibi fo, owu mè otutuuk ebi melek kwun̄!’ Ema isiriaak emi ikeya isan̄a, emi mâtotolek ininan̄a isibi me ido kinyi.” Ikọ ya itata Mosis me otu, isasa me uga unaan̄-ejit ije inan̄a isibi me isi ogwu Fero.

⁹Okumugwem otutumu inyi Mosis ibe, “Ogwu Fero ìkpogban̄ utọn̄ me lek ikọ kinyi. Sa me ikeya, mârọ ogbogbo uyeke uyeke inu n̄a me ido Ijipiti.”

¹⁰Mosis melek Erọn mîrọ ogbogbo uyeke uyeke inu chi geelek me isi ogwu Fero. Ire, Okumugwem okpọkpọ itet ejit ogwu Fero inye, inyi ikachieek itetele mè ebi Ijeren enan̄a esibi me ido kan̄.