Read obolo Itọn̄ 110 Bible Online

Itọn̄ 110 - obolo bible

Itọn̄ 110

¹Okwa kè Debit. Okumugwem îtumu inyi Okaan̄ n̄a ibe, “Siki kweek me ubọk agan̄ ulom n̄a, mege ire mgbọ mâsabe ebi ochicha kwun̄ irọ inu ibene ukot inyi owu.”

²Okumugwem môkup me Sayọn irọ mkpulu kwun̄ iwele owot; owu môkeke ubọọn̄ inyi ebi ochicha kwun̄, ìneneme ema, ìkaneme.

³Usen owu môjebe me isi urum akọn̄ isi ichichini ebi ochicha kwun̄, ebi kwun̄ mênan̄a isibi inu, mè ikeke; nsabọn irieen̄ ama kwun̄ mêsisibi igwook gìrìgìrìgìrì me inyọn̄ ogoon̄ mbuban, kubọk mbat otu ewelegwe.

⁴Okumugwem îtumu ito, ìkpoyaka inwene ejit; ìbe, “Owu ìre ogwu ngwugwa ire mgbọ ikakaan̄ge itata, igọọk me ọgbọn̄ kè Melikisedek.”

⁵Ogwukaan̄-ene ìkukup me agan̄ ubọk ulom kwun̄ ikitap ubọk inyi owu; usen ejit inaan̄, môtun̄ ebi ubọọn̄ ìnu owu akọn̄ me lek ikpukpuku.

⁶Môfieek oyerebet inyi ebi ido geelek me linyọn̄, mè otim òkpan̄ ebi ubọọn̄ me otutuuk ido; nkwukwu ene môjojot ere gboi.

⁷Ogwu ubọọn̄ mônwọ mun̄ òkigbuk me agba oniin̄; isa ikaan̄ unye itim akọn̄ ikpan̄.