Read obolo Itọn̄ 112 Bible Online

Itọn̄ 112 - obolo bible

Itọn̄ 112

¹Ìtọn̄ Okumugwem! Kpọ-nu uga ubelejit òkup inyi ene ya ogwu òkitet ukpook me lek Okumugwem; ogwu irọrọ ikọ Okumugwem otọbe okitop me lek.

²Bọn ene ya mêre ebi isi ile ìkakaan̄ otu me ama; Awaji môgbana owot iman kan̄.

³Ebi ototun̄ ukan̄ kan̄ mênin̄ ubọọn̄, mè ikaan̄ inu ubọọn̄; ata irọrọ kan̄ ìkabota ire mgbọ geelek.

⁴Utoon̄ môtoon̄ me emen udun inyi ogwu òkirọ inu òtatat; ogwu ata irọrọ òkakaan̄ ejit nsan mè ata ejit.

⁵Inu môje ijaan̄ me lek ogwu òkichili ubọk, mè ikifọọk ikpoko inyi ene, mè ikirọ mbubek kan̄ me oniin̄ ònenen.

⁶Kpunu inu òbosisik ogwu ata ene; ebi ene kpebewuuk si ọmọ ire mgbọ geelek.

⁷Ìkabofieek owot me lek ijo etip; ejit kan̄ ìkposisik kubọk ge, mije, ọmọ ìtoon̄ ejit me lek Okumugwem.

⁸Ejit kan̄ ìnyenye; ìkabofieek owot mege mômun̄be ubọk Awaji osulube ebi ochicha kan̄ osusut.

⁹Îchili ubọk iche inu inyi ebi ugbọọn̄; ata irọrọ kan̄ ìkabota ire mgbọ geelek; ọmọ môkaan̄ unye, mè ikaan̄ ulibi.

¹⁰Ebi ijo ife isimun̄ ikeya, ejit kiban̄ îra ifiat isan̄a; ema mîra ikaan̄ njijọ ejit; ire, mije nkeek kiban̄ ikarọge ìso, lek kiban̄ îra iwọ; ema mîra ikpọk ubọk iyat.