Read obolo Itọn̄ 127 Bible Online

Itọn̄ 127 - obolo bible

Itọn̄ 127

¹Okwa ekikọt isa inene isi Uwu Mbuban. Okwa kè Solomọn. Ire Okumugwem ìkasa ubọk kan̄ ìnama uwu, ubọk ikwaan̄ ebi ìkinanama ìchechep ikike; ikeya si, ire Okumugwem me lek kan̄ ìkabem ama, ebi ìkibebem ekitotop chieen̄ ichep.

²Ene inanan̄a ilaak me ewelegwe, mè isi ikikwukwulu abayaage ifit egwe bak me lek inorie otu, ìre itututuku lek; mije, Okumugwem ìkidọdọmọ inorie isun̄ iban ebi îmun̄be me chieen̄ mgbọ ema ekupbe me ilaak.

³Bọn ìre ìrot Okumugwem okinyi ene; mfut òsibi me owot ene ìre mkpukpe kan̄ îkikpe ene.

⁴Bọn ene obonbe me mgbọ nsabọn irieen̄ kan̄, ebet lek oraan̄ ogwu akọn̄ okisa ikput lek.

⁵Ogwu òkakaan̄ ema iwa ìre ogwu atisi; kpunu inu òborọ inyi esip itet ọmọ; otu kan̄ ìbonyenye kwok kwok mgbọ ìbokigbini ikọ melek ebi ochicha kan̄ me otunchit ama.