Read obolo Itọn̄ 135 Bible Online

Itọn̄ 135 - obolo bible

Itọn̄ 135

¹Okwa ekikọt isa inene isi Uwu Mbuban. Ìtọn̄ Okumugwem; ìtọn̄ erieen̄ Okumugwem; ìnyi Okumugwem itọn̄, enyi ebi ikwaan̄ kan̄!

²Enyi ebi ìkikeke isi ikwaan̄ me Uwu Mbuban Okumugwem, me oyet egep uwu Awaji kiji,

³ìtọn̄ Okumugwem, ke ọmọ minwọn; ìkọt okwa ìtọn̄ erieen̄ kan̄, ke irọrọ ikeya îjaan̄.

⁴Okumugwem ìgogobo Jekọp inyi lek kan̄, mè isa bọn kè Ijeren irọ ebi eyi kan̄ ọkpọkpọ.

⁵Emi nriọọn̄ ibe ke Okumugwem îmin, mè iriọọn̄ si ibe ke Ogwukaan̄ kiji îmin igak awaji geelek.

⁶Inu geelek òneme ọmọ ke îkirọ me emen inyọn̄ mè linyọn̄ mè okwaan̄ mè ugwuuk okwaan̄ geelek.

⁷Ọmọ orọ oruk ikinan̄a me ntutun̄ ere geelek me linyọn̄ isibi, mè irọ omumen-inyọn̄ òkirọ ibot irep, mè ikisan̄a efet isibi me ere îsun̄be ito ibe iwut.

⁸Okumugwem îkpaan̄ adasi owot bọn ebi Ijipiti, bọn ebilene mè bọn anam.

⁹Îrọ si ikwaan̄ òkup nke nke mè inu òkup uyeke uyeke me Ijipiti isa isulu ogwu Fero mè ebi ikwaan̄ kan̄ osusut.

¹⁰Îchep owuwa ido, mè ikpan̄ ebi ubọọn̄ ìkakaan̄ unye.

¹¹Îkpan̄ Siyon ogwu ubọọn̄ ebi Amọ, mè Ôgu ogwu ubọọn̄ ido Basan, mè ikpan̄ si otutuuk ebi ubọọn̄ ebi lek ijọn̄ Kenan,

¹²mè isa ijọn̄ kiban̄ inyi ebi eyi kan̄, ebi Ijeren, me ìrot.

¹³Okumugwem, erieen̄ kwun̄ ìbokukup ire mgbọ geelek; etip kwun̄ si ìbotataan̄ ire otutuuk ukot geelek.

¹⁴Okumugwem môsibi oyerebet inwọn ebi eyi kan̄, mè ikaan̄ nsan me lek bọn ikwaan̄ kan̄.

¹⁵Inu ebi ofifi ido esabe irọ awaji kiban̄ ìre mkpọmfaka alata araran̄ mè alata okuket, echi ebilene esabe ubọk itọkọ.

¹⁶Ema mîkaan̄ otu, ire, kpekikọt itumu ikọ, mîkaan̄ chieen̄, ire, kpekikọt imọọn̄ inu.

¹⁷Ema mîkaan̄ utọn̄, ire, kpekikọt inọ ikọ; ubọk yaage si, ema kpekifufuuk efuuk.

¹⁸Ebi ìkirom mkpọmfaka cha ebet lek mkpọmfaka cha; ebi ìkitoon̄ ejit me lek mkpọmfaka cha ekup si kubọk mkpọmfaka cha.

¹⁹Enyi ebi Ijeren, ìtọn̄ Okumugwem; enyi ebi uwu kè Erọn, ìtọn̄ ọmọ!

²⁰Enyi ebi uwu kè Libai, ìtọn̄ Okumugwem; enyi ebi ìkitet ukpook Okumugwem, ìtọn̄ ọmọ.

²¹Ìtọn̄ Okumugwem me Sayọn; ìtọn̄ ọmọ me Jeruselem, ere îlukbe! Ìtọn̄ Okumugwem.