Read obolo Itọn̄ 142 Bible Online

Itọn̄ 142 - obolo bible

Itọn̄ 142

¹Ijeen̄-inu kè Debit. Uriaak Debit oriaakbe mgbọ îkupbe me emen udọn̄. Ǹsa ida n̄a itaan̄ ukpo igwen Okumugwem; ida n̄a ke nsa ibeek ọmọ mbeek.

²Nnina lek inu òkirọ emi inyi Okumugwem; ntumu uyọrọlek n̄a isibi me isi kan̄.

³Mgbọ îyọtbe igak emi, nkayakage ìriọọn̄ inu geege mbarọ, owu oriọọn̄ inu marọbe; ebi ochicha mîlet ufe me oniin̄ nkije.

⁴Yaka isi da agan̄ ulom n̄a, mè kpọ, kpunu ogwu òkaan̄ ulọk me lek n̄a; kpunu ere geege nlibibe inin̄ ilet lek; ene geege ìkado inu ofolek n̄a.

⁵Eya ke ntaan̄ ukpo igwen owu Okumugwem ibe, ke îre owu ke ntap ibot me irak, ibe owu òbem emi; ǹkakaan̄ inu geege me linyọn̄ keyi, ilọ me lek kwun̄.

⁶Gban̄ utọn̄ me lek ukpo nkibọn̄; efuuk îta emi me owot; nyan̄a emi sibi me ubọk ebi ìkililaba emi, mije, ubọk kiban̄ înye igak eyi n̄a.

⁷Tọn̄ọ emi mkpọn me ukot, inyi mâtọn̄ owu; ebi ata irọrọ mêgban ikana emi mgbọ mâkinyi owu itọn̄, mije ke owu orọ inu inwọn emi me lek.