Read obolo Itọn̄ 149 Bible Online

Itọn̄ 149 - obolo bible

Itọn̄ 149

¹Ìtọn̄ Okumugwem; ìkọt aya okwa ìnyi ọmọ; ìtọn̄ ọmọ me emen ntitiin̄ ebi eyi kan̄!

²Enyi ebi Ijeren, ìnwọọn̄ unwọọn̄ me lek Awaji ogwu òrom enyi; enyi ebi Sayọn, ìnwọọn̄ unwọọn̄ me lek ogwu ubọọn̄ kinyi!

³Ìjop okwa ìtọn̄ erieen̄ kan̄; ìkwak ekpete, mè ìfit uneen̄ ìsa ìtọn̄ ọmọ;

⁴mije, ejit Okumugwem îtop me lek ebi eyi kan̄; ọmọ okirọ inyi ebi ekitutuku etim ekpan̄ ebi ìkitutuku ema.

⁵Tele ebi eyi Awaji ebele ejit, mije ema etimbe ikpan̄; tele ema etop chieen̄ me inyọn̄ mkpilaak kiban̄ etaan̄ ukpo ekọt okwa unwọọn̄ ewele egwe.

⁶Tele ema etaan̄ ukpo edimi ere etọn̄ Okumugwem, mè ekaan̄ oge akọn̄ isi iba me ubọk,

⁷mêsabe ikpe ebi ofifi ido useen̄ ijo inu, mè isulu si ema osusut.

⁸Ema mêsa mkpọn ibọp ebi ubọọn̄ ido cha, mè isa okwukwut igọbọ ebi ilile kiban̄ ukot,

⁹isasa isulu ema osusut itip-oyerebet, ubọk Awaji ogebe isun̄; eyiyi ore ntim-mkpan̄ eyi Awaji onyibe ebi kan̄. Ìtọn̄ Okumugwem!