Read obolo Itọn̄ 15 Bible Online

Itọn̄ 15 - obolo bible

Itọn̄ 15

¹Okwa kè Debit. Okumugwem, ìre ekene mônin̄ Uwu Mbuban kwun̄ isi itọbọ ebum inyi owu? Sà ìre ekene mônene Sayọn ogoon̄ mbuban kwun̄?

²Îtata ogwu òsisiki ibot inyi owu me lek inu geelek îkirọ, mè ikirọ inu ònenen, mè ikitumu atikọ me ijọn̄ ijọn̄ ejit kan̄;

³ogwu ìkakitumu ofifi ene ìfiat; ìkakirọ ene ijo inu; ìkakitiik ene itiik.

⁴Ene ya si môre ogwu òkida lek isan̄a me lek ebi ijo irọrọ, mè ikikaan̄ ulibi inyi ebi geelek ìkimin Okumugwem; ogwu ìkakilọ irọrọ use geelek îchieekbe iso; ikerere use eyi môkọtbe itap ọmọ unan me lek.

⁵Ene ya môre si ogwu òkifọọk ikpoko inyi ene me ikike, ìkakitoon̄ urot me inyọn̄; ogwu ìkagọọk me ebek ikpoko udun̄, mè ìsi ìkeke ata-ikọ ataak ìkeme ogwu ikalọge inu geege. Ogwu òkirọ inu kechi, ukot ìbonyenye me ijọn̄ ire mgbọ geelek.