Read obolo Itọn̄ 16 Bible Online

Itọn̄ 16 - obolo bible

Itọn̄ 16

¹Okwa kè Debit. Ekikọt ususuk. Jei Awaji, kput emi lek, ke ǹtap ibot n̄a me ubọk kwun̄.

²Ǹkitumu inyi owu Okumugwem ibe, “Owu ore Òkaan̄ n̄a. Ata inu geelek nkaan̄be ìnan̄a owu me ubọk.”

³Ebi ata ife me linyọn̄, ema ere ebi isi ile; otutuuk ubelejit n̄a ìkup me lek kiban̄.

⁴Ebi ìkigọọk ofifi awaji, ufialek ufialek okup inyi ema; ngwugwa ekisa eje igwa inyi awaji kecha, emi ǹkabakup me lek; otu n̄a ìkpochachak si me lek erieen̄ kiban̄.

⁵Okumugwem, owu ke ngobo inyi lek n̄a; ònu-me-isi ugwem n̄a ìkup me ubọk kwun̄.

⁶Owu orọ ugwem n̄a ijaan̄; owu onyi emi ata inu geelek nsabe ikiluk ugwem òtotop.

⁷Mâtọn̄ owu Okumugwem, ogwu òkinyi emi nteme; ikerere eririeen̄, ejit n̄a ìkinyi emi nteme kwun̄.

⁸Chieen̄ n̄a ìgwuun̄ me lek Okumugwem mgbọ geelek; eyi ọmọ okukup me agan̄ ubọk ulom n̄a, ukot n̄a ìnyenye me ijọn̄.

⁹Eya orọ, mbele ejit enenen, mè itọn̄ owu Okumugwem; akpalek n̄a môkup me utelelek.

¹⁰Owu òkpojuuk emi itele m̀bia me emen udọn̄-ufuun̄; owu òkpotetele si gwun̄ ikwaan̄ kwun̄ ikup me udọn̄-ufuun̄ ijọ ibubuku.

¹¹Kpan̄asi ikeya, owu môjeen̄ emi oniin̄ eyi ugwem; me isi kwun̄, owu mônyi emi unwọọn̄ òjojot, mè utop ikukup me agan̄ ubọk ulom kwun̄ ire mgbọ geelek.