Read obolo Itọn̄ 20 Bible Online

Itọn̄ 20 - obolo bible

Itọn̄ 20

¹Okwa kè Debit. Ìkup inyi ogwu òjeen̄ okwa. Kè Okumugwem inọ uriaak kwun̄, mgbọ okupbe me uyọrọlek; kè Awaji kè Jekọp isa ubọk kan̄ iwele ichit owu.

²Kè ọmọ ikup me Uwu Mbuban itap ubọk inyi owu, mè ikup me inyọn̄ ogoon̄ Sayọn itap owu unye me emen.

³Kè ọmọ ibọkọ otutuuk ngwugwa ogwabe inyi ọmọ, mè ibele ejit me lek ngwugwa ewọwọp owọpbe inyi ọmọ.

⁴Kè ọmọ inyi owu inu geelek òkup owu me uyọt, mè irọ inyi otitọt okaan̄be me ejit ije ijaan̄.

⁵Ositim ikpan̄ me akọn̄, eji mêrie ijọk, mè iben egop ikaan̄ me ubọk isa iwulu òkô me erieen̄ Awaji kiji; kè Okumugwem irọ otutuuk inu geelek obeekbe me uriaak inyi owu.

⁶Mgbọ keyi, emi nriọọn̄ ibe ke Okumugwem ìkekitap ubọk inyi ogwu ubọọn̄ îtọkọbe aran̄ me ibot; môkup me emen inyọn̄ ere mbuban inọ uriaak ogwu ubọọn̄; môsa ubọk ulom kan̄ irọ ogwu ubọọn̄ itim ikpan̄ ebi ochicha kan̄ me agan̄ geelek.

⁷Usini ido esa urum akọn̄ mè nroon̄ akọn̄ ema ekaan̄be itoon̄ ejit; eyi kiji, eji etoon̄ ejit me lek Okumugwem Awaji kiji.

⁸Ema mîtọbọ ukot, mè inan̄a irọn̄; ire, eji mêwulu ibene, mè ikeke inye.

⁹Jei Okumugwem, rọ inyi akọn̄ inwọn ogwu ubọọn̄; soso, tap ubọk nyi eji mgbọ geelek eji egwenbe owu.