Read obolo Itọn̄ 21 Bible Online

Itọn̄ 21 - obolo bible

Itọn̄ 21

¹Ìkup inyi ogwu òjeen̄ okwa. Okwa kè Debit. Jei Okumugwem, ogwu ubọọn̄ ìkibele ejit bak me lek owu onyi ọmọ unye; ọmọ ìkinwọọn̄ ikpele unwọọn̄ mije owu orọ ọmọ itim ikpan̄.

²Owu orọ nkeek kan̄ inyi ọmọ, mè irọ si inu îsabe otu ido owu.

³Owu osa ata ugbana ibọkọ ọmọ itap, mè ikwuun̄ ọmọ okpibot ubọọn̄ atalek alata araran̄ me ibot.

⁴Ọmọ îbeek owu ugwem, owu onyinyi ọmọ ujọn̄ọ ugwem ire mgbọ geelek, mgbọ geelek.

⁵Ọmọ îkaan̄ ikpele umin, bak me lek otapbe ubọk inyi ọmọ itim ikpan̄; owu onyi ọmọ òrirọ mè umin ubọọn̄.

⁶Owu ògbagbana ọmọ ire mgbọ geelek; unwọọn̄ ìjojot ọmọ ejit, bak me lek ọmọ okupbe me isi kwun̄.

⁷Bak me lek ogwu ubọọn̄ otoon̄be ejit me lek kwun̄ Okumugwem, mè itoon̄ si me lek imumechieen̄ mgbọ geelek kwun̄, owu Ogwu Òbebene Ichit, kpunu inu geege òbosisik ọmọ.

⁸Ogwu ubọọn̄, ubọk kwun̄ môtet otutuuk ebi ochicha kwun̄; ubọk ulom kwun̄ môweek otutuuk ebi ochicha kwun̄ imun̄.

⁹Mgbọ owu mônube, owu môsa ukan̄ òkisasak iwọp ema ikpan̄; Okumugwem môsa unaan̄-ejit ijijaka ema isan̄a; ukan̄ môtaka ema iriọk.

¹⁰Owu môkpan̄ bọn bọn kiban̄ isan̄a me linyọn̄, mè ichep owot iman kiban̄ isan̄a me etete ebilene.

¹¹Ijo otitọt ke ema etọt ikeme owu, mè ikeek ijo nkeek ibak owu; ire, ìkabokaan̄ ibot.

¹²Owu môyaka ogbaan̄ kwun̄ ida ema me emen isi, mè irọ inyi ema egwu ekom eliliin̄.

¹³Jei Okumugwem, eji ekitọn̄ owu bak me lek ikpele unye kwun̄; eji mêkọt okwa itọn̄ owu mije unye kwun̄.