Read obolo Itọn̄ 26 Bible Online

Itọn̄ 26 - obolo bible

Itọn̄ 26

¹Okwa kè Debit. Jei Okumugwem, sibi oyerebet nwọn emi, mije ǹkirọ inu ònenen; owu ke ntoon̄ ejit me lek; ǹkakaan̄ ejit iba.

²Okumugwem, roon̄ emi kpọ, mè jeen̄ ibe ke ǹkarọ ìlọ; wọlọ emen ejit n̄a mè ekiket n̄a si kpọ.

³Mije, imumechieen̄ okikaan̄ mgbọ geelek okijeen̄ emi oniin̄; emi ǹkije si me atikọ kwun̄.

⁴Ǹkakigbaan̄ ìrie melek ebi ofiaan̄; ǹkabagbaan̄ ije si melek ebi isi iba.

⁵Ncha igọgọọk ebi ijo irọrọ ije ogbo; m̀baje si agan̄ agan̄ me lek ebi ikpak.

⁶Okumugwem, nra igwọk ubọk n̄a, isasa ijeen̄ ibe ke kpunu eyi nrọbe ilọ, mè igọọk ikije ikana me lek ntook kwun̄,

⁷ikitaan̄ ukpo ikọt okwa itọn̄ owu, mè ikitumu otutuuk ikpele inu owu orọbe isibi.

⁸Jei Okumugwem, mma Uwu Mbuban kwun̄, ere ujamgbugbo kwun̄ okupbe.

⁹Kagbaan̄ emi melek ebi ijo ìwop ìfiin̄; kachieek ibe ǹkwu mkpa yaage ebi ìkpan̄ ene ebekwu.

¹⁰Emen ubọk ife chi îfiat isan̄a inyi ijo inu; ubọk ulom kiban̄, ikpoko udun̄ ikpoko udun̄ ojot.

¹¹Ire, eyi n̄a, ǹkirọ inu ònenen; kaan̄ emi nsan me lek, mè faka emi sibi.

¹²Ukot n̄a înye me ijọn̄; Okumugwem, mâtọn̄ owu me emen ntitiin̄ ebi eyi kwun̄.