Read obolo Itọn̄ 32 Bible Online

Itọn̄ 32 - obolo bible

Itọn̄ 32

¹Okwa kè Debit. Ijeen̄-inu. Kpọ-nu uga ubelejit òkup inyi ene ya ogwu Okumugwem otelebe nje-nlọ kan̄ inyi; ogwu Okumugwem ochitbe ijo kan̄.

²Kpọ-nu uga ubelejit òkup inyi ene ya ogwu Okumugwem ikafukge nrọ-nlọ ìtoon̄ me ibot; ogwu ikakaan̄ge si ofiaan̄ me emen ekwukwu kan̄.

³Mgbọ nkafukge ijo n̄a, lek n̄a ìtatak ita bak me lek ito nkito egwe geelek.

⁴Ikarek mè eririeen̄, osusut kwun̄ îyok emi akpa; unye n̄a ìtata inọọn̄, kubọk inwan̄ ekirika otababe mun̄ ichat me lek.

⁵Ntumu ijo n̄a ikpọk mbum inyi owu, ikeya si, ǹkalet nje-nlọ n̄a me lek kwun̄; ǹtutumu ibe ke mâkpa nrọ-nlọ n̄a inyi Okumugwem; owu otetele otutuuk ijo n̄a inyi emi, mè imọnọ si ufieejit òje me lek isan̄a emi me lek.

⁶Eya orọ, ene geelek òkaan̄ ukpook Awaji me emen, ene ya iriaak owu mgbọ irek osibibe inyi ọmọ, inyi, uyọrọlek isinu kubọk agbugbuk, ikare ọmọ lek.

⁷Owu ore ere nkinin̄ ilet lek; owu okinyan̄a emi isibi me uyọrọlek; owu orọ inyi ebi ene ekọt okwa unyan̄a ekana emi me ijọn̄ okokop.

⁸Okumugwem ìtumu ibe, “Mânyi owu ikween̄-inu, mè ijeen̄ owu oniin̄ owu môjebe; mâteme owu nteme, chieen̄ n̄a ọmọ òwa me lek kwun̄.”

⁹Ikakup ètele ètele kubọk inyinya melek inyinya mgbidim ukot, echi ìkakigobo inu ìtet, ire, îtata etatap mgbidim okwukwut ikwuk irieen̄ me otu, mè itobo olik, sabum echieek ibe esa ema esi ikwaan̄.

¹⁰Ebi òkpaka ibot ekibọkọ owuwa uyọrọlek; ire, imumechieen̄ mgbọ geelek eyi Okumugwem ìkakana lek ebi ìtoon̄ ọmọ ejit me lek.

¹¹Enyi ebi ata irọrọ, ìbele ejit, mè ìnwọọn̄ unwọọn̄ me isi Okumugwem; ìtaan̄ ukpo ìnwọọn̄ lek, enyi ebi ejit otanabe!