Read obolo Itọn̄ 4 Bible Online

Itọn̄ 4 - obolo bible

Itọn̄ 4

¹Nteme òkup inyi ogwu òjeen̄ okwa: Mêsa nkwukwak echi olik ikwak. Okwa kè Debit. Nọ emi ida, mgbọ geelek nsigwen owu, jei Awaji, ogwu òkirọ emi nnwọn; mgbọ nkupbe me emen ufialek, owu onyan̄a emi isibi; to emi nsan, mè nọ uriaak n̄a.

²Enyi bọn ebilene, enyi ebenwene umin n̄a ikana itap me inu esip isi ire mgbọ owa? Sà ìre enyi ebema inu ikike, mè ilibi igọọk ofiaan̄ isi ire mgbọ owa?

³Ìriọọn̄ ibe ke Okumugwem îgobo ebi ìkimin ọmọ isun̄ inyi lek kan̄; Okumugwem mônọ emi ida mgbọ nsigwen ọmọ.

⁴Enyi mêkọt inaan̄ ejit, ire, ikagọọk unaan̄-ejit mè ìrọ ijo inu; enyi isilaak me inyọn̄ mkpilaak, ìgen ibot ìkeek ikọ yi, mè ìkup dii.

⁵Ìgwa ngwugwa ògbegbe ìnyi Okumugwem, mè ìtoon̄ ọmọ ejit me lek.

⁶Owuwa ene ekibe, ìre ekene obonirọ ata inu inyi ema ye; jei Okumugwem, soso, rọ inu ije ijaan̄ eji me lek.

⁷Ire, ubelejit otapbe emi me ejit îgak eyi ema ekaan̄be mgbọ uko kiban̄ osibibe akpa mè aya miin̄ òwawa.

⁸Mâyaka lek imaan̄, mè ilaak inwọnọ; mije, îre owu Okumugwem gaalek okikput emi unan me lek.