Read obolo Itọn̄ 53 Bible Online

Itọn̄ 53 - obolo bible

Itọn̄ 53

¹Ìkup inyi ogwu òjeen̄ okwa: Igọọk me lek mayalat. Ijeen̄-inu kè Debit. Ebi burubut ekitumu me ejit kiban̄ ibe ke kpunu Awaji; eya orọ, ema ekiluk ugwem bukubuku, mè ikirọ ijo òchichaka inu; kpunu ene geege òkirọ ata inu.

²Awaji îkup me emen inyọn̄ isiki chieen̄ ikikpọ bọn ebilene me linyọn̄, mè ìre ọmọ mômun̄ ebi ìkikọt igobo inu itet, mè ikitọbọ ebum inyi ọmọ.

³Ire, otutuuk kiban̄ mîrurọn̄ọ igwook, mè ijọ ita kpai me ugwem; kpunu ene geege òkirọ ata inu; kpukpunu kubọk ene ge ikeyi.

⁴Ebi ìkirọ ikpak chi, mè ikitaka ebi n̄a kubọk ekitaka fituru, mè ijit irariaak uriaak inyi Awaji, ìre ema kperiọọn̄ inu geege ni?

⁵Ere ema ekupbe, ema ekup me ikpele ukpook, me ere ukpook geege kpunu; Awaji môkpan̄ ebi ìkikpa mbin akọn̄ ikana ebi eyi kan̄ isan̄a kpai, mè iyiyala ukwuuk kiban̄ ikana ere; ebi eyi Awaji mêtim ikpan̄ ema, mije, Awaji îjit ema cha.

⁶Jei, îlọk emi enenen ibe Awaji inan̄a me Sayọn ininyan̄a ebi Ijeren! Mgbọ Awaji môrọbe inu ije ijaan̄ me lek ebi kan̄, bọn kè Jekọp, òrere ebi Ijeren, mênwọọn̄, mè ibele ejit.