Read obolo Itọn̄ 67 Bible Online

Itọn̄ 67 - obolo bible

Itọn̄ 67

¹Ìkup inyi ogwu òjeen̄ okwa: Mêsa nkwukwak echi olik ikwak. Okwa. Ebekikọkọt. Awaji, soso, rọ eji nsan, mè gbana eji; sa ata ejit kpọ eji chieen̄ me lek,

²ufuna otutuuk ebi linyọn̄ eriọọn̄ ubọk owu okirọ inu, mè ido geelek si iriọọn̄ ibe ke owu okaan̄ unye okisa inyan̄a ene.

³Jei Awaji, tele ebi ido geelek etọn̄ owu; tele otutuuk ife geelek etọn̄ owu.

⁴Ebi ido geelek, ìbele ejit, mè ìkọt okwa ìnwọọn̄ lek, mije Awaji îsibi unen oyerebet inyi ebi ido geelek, mè ikisa ido geelek me linyọn̄ ije me oniin̄ òtatat.

⁵Jei Awaji, tele ebi ido geelek etọn̄ owu; tele otutuuk ife geelek etọn̄ owu.

⁶Awaji, ogwu òre Awaji kiji, îgbana eji enenen; îrọ inyi ijọn̄ isibi mfut owuwa owuwa.

⁷Awaji îgbana eji; ebi geelek me linyọn̄ emin ọmọ.