Read obolo Itọn̄ 70 Bible Online

Itọn̄ 70 - obolo bible

Itọn̄ 70

¹Ìkup inyi ogwu òjeen̄ okwa. Okwa kè Debit. Okwa yi ìkup inyi inyinyi ekinyi isa ikeek inu Awaji orọbe. Soso, Awaji nyan̄a emi sibi; Okumugwem, gwat lek na, na tap ubọk nyi emi!

²Soso, tap ebi ìkiweek ikpakpan̄ emi welewele, mè rọ ema inu esip; rieen̄ ebi ìkiweek ibe uyọrọlek itet emi kpebe, inyi ema eben esip me isi egwu ekom!

³Ebi ìkigigaan̄ emi, “Kpuwai! Kpuwai!” cha; rọ inyi esip itet ema, inyi lek kiban̄ igba.

⁴Ire, tele ebi geelek ìkitọbọ ebum inyi owu ebele ejit, mè enwọọn̄ unwọọn̄ me lek inu orọbe inyi ema; ikeya si, rọ ebi geelek ìmama ibe owu òre ogwu unyan̄a kiban̄ eketumu mgbọ geelek ibe, “Jei Awaji, owu mimin!”

⁵Ire, emi ìre ogwu ugbọọn̄ mè ogwu una; jei Awaji, gwat lek na na nyan̄a emi; owu okitap ubọk inyi emi; owu okitaba emi isibi me ufialek. Jei Okumugwem, gwat lek na na tap ubọk nyi emi; soso, kafiat mgbọ!