Read obolo Itọn̄ 81 Bible Online

Itọn̄ 81 - obolo bible

Itọn̄ 81

¹Nteme òkup inyi ogwu òjeen̄ okwa: Igọọk me ida okwa ebi Gat. Okwa kè Asafu. Ìtaan̄ ukpo ìkọt okwa ìnyi Awaji ogwu òkinyi eji unye; ìtaan̄ ukpo unwọọn̄ ìnyi Awaji kè Jekọp!

²Ìbene okwa, mè ìsulu ekpete; ìsa uneen̄ ile mè uneen̄ ija ìkwak okwa òtotop.

³Ìwut otita ìsa ìbene ijọk; ìwut me ijọk Aya Onyan̄, mè iwut me ebon onyan̄; ìwut otita me usen ijọk kiji.

⁴Ìrọ inu yi, mije, îre ikan ebi Ijeren; îre si ida eyi Awaji kè Jekọp onyibe.

⁵Ọmọ otọ ibe ebi otoko kè Josefu erọ ikeya, mgbọ ọmọ osibibe isi akọn̄ me lek ebi Ijipiti. Nnọ ida ge nkariọọn̄ge okibe:

⁶“Emi mfeme enyi ulobo akpan me oguga, mè isan̄a enyi me lek unye ikwaan̄.

⁷Mgbọ ufialek otetbe enyi, enyi mîgwen emi ibe ǹnyan̄a enyi, nnyanyan̄a enyi; me emen isinyọn̄ òkisosook ke nlet inyan̄a enyi; emi nroon̄ enyi ikpọ me otu mun̄ echi Meriba.

⁸Ebi n̄a, ìgban̄ itataba ubọk me utọn̄ nkitaba enyi; ebi Ijeren, mweek ibe enyi egban̄ utọn̄ enyi emi.

⁹Ikakaan̄ ofifi awaji; ikatọbọ ebum si ìnyi ofifi awaji.

¹⁰Emi nre Okumugwem Awaji kinyi, ogwu òsan̄a enyi isibi me ijọn̄ Ijipiti; ìkama uga kinyi, inyi ǹtap inu ǹjot enyi otu.

¹¹“Ire, ebi n̄a ebi Ijeren kpeweek igbagban̄ utọn̄ me ida n̄a; kpechieek igọgọọk emi igbaan̄ inu irọ.

¹²Eya orọ, njijit ema itele me lek unye-ibot kiban̄, inyi ema erọ ike ejit kiban̄ otọbe inyi ema.

¹³Jei, mebe ebi n̄a, ebi Ijeren, mîgban̄ utọn̄ inyi emi; mebe ema mîluk ubọk mweekbe ibe ema eluk,

¹⁴kè nra itim ikpan̄ ebi ochicha kiban̄ me ikafiatge mgbọ; kè nra ijeen̄ ebi oriara kiban̄ ikpele unye n̄a.

¹⁵Ebi ìchacha Okumugwem mêgele igwook me ukpook me isi kan̄; osusut kiban̄ môbia ire mgbọ ikakaan̄ge itata.

¹⁶Mebe ebi n̄a mîgban̄ utọn̄ inyi emi, kè masa akpa wit ònwọnwọn ichit ikpukpo ema owot, mè nsa aran̄ akwọọk ònan̄a me lek ewuuk nnyi ema erie ejot.”