Read obolo Itọn̄ 95 Bible Online

Itọn̄ 95 - obolo bible

Itọn̄ 95

¹Ìna mè eji ekọt okwa etọn̄ Okumugwem, mè eji ekọt okwa unwọọn̄ enyi Awaji ogwu òre ewuuk òkinyan̄a eji!

²Ìna mè eji enu me isi kan̄ enenyi ọmọ itọn̄, mè etaan̄ ukpo ekọt okwa unwọọn̄ esa etọn̄ ọmọ!

³Mije Okumugwem ìre ikpele Awaji; ọmọ ore ikpele ubọọn̄ òkikpulu asabọn awaji geelek.

⁴Otutuuk linyọn̄, ìre eyi kan̄; bene me ere òdọdọk ichit si re òta ibot ogoon̄ òbebene ichit; îre ọmọ okaan̄.

⁵Okwaan̄ ìre eyi kan̄, mije îre ọmọ orom; nchat ijọn̄ si ìre eyi kan̄, mije îre ọmọ osan̄a isibi.

⁶Ìna mè eji etọbọ ibot, mè erọn̄ ere ijọn̄ enyi ọmọ; ìna mè eji egwook ekpe me isi Okumugwem ogwu òrorom eji!

⁷Mije ọmọ ìre Awaji kiji; eji ìre ebi ọmọ okikpọ chieen̄ me lek, mè ire ebi ọmọ okikpukpo kubọk urum arọọn̄. Awaji ìbe, “Chereyi, ire enyi inọ ida n̄a,

⁸ikayaka ìnye ejit kubọk enyi erọbe me Meriba, mè ubọk enyi erọbe me usen ya me Masa me emen èwê,

⁹mgbọ ebi nte kinyi etọbe emi ikpọ, iberak emi ukot isan̄a me ijọn̄, ubọk geelek ema emun̄be ikwaan̄ nrọbe inyi ema.

¹⁰Akọp acha ini ke njọ ejit me lek kiban̄ ebi ukot keya, mè itumu ibe ke ema ìre ebi ejit ìkakikup me ere ge; ema mîjit irọrọ inu mbe ema erọ.

¹¹Eya ke nsa me unaan̄-ejit inyan̄a ibot ibe, ke ema kpekakaan̄ mgbọ ininin̄ inyọn̄ ijọn̄ nsun̄be inyi ema ibe ema enin̄ esiki efuuk.”