Read obolo Etip 6 Bible Online

Etip 6 - obolo bible

Etip 6

¹Îkaan̄ ijo inu ge mmun̄be me irak isi ura eyi òkitet ebilene lek:

²Ene ogwu Awaji orọbe inyi ibọọn̄ ubọọn̄, mè ikaan̄ inu melek umin, kpunu inu geege eyi ejit kan̄ odobe ònanan ọmọ. Ire, Awaji ìkachieek ibe ọmọ irie inu cha, ogwu ichen oyaka inirie. Eyi ìre inu ikike, mè ire si atalek ijo orukan̄.

³Ire ene ikaan̄ efit bọn ebirieen̄, mè iluk ugwem owuwa acha, mè ikan, ire, ìkarie utop me lek inu îkaan̄be, kpefuun̄ si ọmọ ijaan̄ mgbọ îkwube, emi m̀be ke gwun̄ emanbe nkwukwu înwọn igak ene ya.

⁴Mije, gwun̄ ya ìje ikike inu, mè ije me ndudun ifo, erieen̄ kan̄ si ìkup me ndudun, mije, kpenyinyi-nu ọmọ erieen̄.

⁵Gwun̄ ya ìkariọọn̄ ura, ìkarerieen̄ si chieen̄ me lek ura, ire, îkaan̄ isiki-efuuk igak ene ya.

⁶Ikerere ene ya ìluk obop acha mgbọ iba, mè ìkarie utop me lek inu îkaan̄be, me atikọ, ere yaage ke ọmọ mè gwun̄ ya ebesi.

⁷Kwulukwulu geelek ene okikwukwulu, ìkifo otu; ire, owot jojot, ìkajot.

⁸Ire ikeya, ìre keke ke ogwu òriọọn̄ inu osa igak ogwu mbubut? Sà ìre keke ore oruru ogwu ugbọọn̄ ogwu òrọriọọn̄ ubọk ekiluk ugwem me etete ebi ene?

⁹Irerie inu esabe chieen̄ imun̄ înwọn igak ikakaan̄ ulọk ebek me lek inu kpesa chieen̄ imun̄. Eyi si ìre inu ikike, mè ire si itetet efet.

¹⁰Inu geelek òkukup, îwuuk lek ikaan̄ erieen̄, inu geelek ogwu ebilene orebe, mîwuuk lek iriọọn̄ isan̄a; kpunu ogwu òbokọt igbini ikọ melek Awaji ogwu òmimin igak ọmọ.

¹¹Ikọ etumube ijot ijọn̄, ìkakikaan̄ ibot me lek. Me atikọ, itutumu ikọ iwa ìkakikaan̄ oruru.

¹²Ekene oriọọn̄ inu ònwọnwọn inyi ogwu ebilene me ugwem kan̄, me otu ifuk usen ugwem ikike kan̄, echi òboraka isan̄a kubọk ogugo? Ekene obokọt itumu inyi ọmọ inu òborọrọ me irak isi ura mgbọ ọmọ isikwu iraka?