Read obolo Asaya 12 Bible Online

Asaya 12 - obolo bible

Asaya 12

¹Me usen ya, enyi mêtumu ibe, “Jei Okumugwem, mâtọn̄ owu, ubọk geelek ibe ke owu onaan̄ ejit ikeme emi, ire, unaan̄-ejit kwun̄ îsiki, owu okakat emi ejit.

²Kpọ, Awaji ore ogwu unyan̄a n̄a, mâtoon̄ ọmọ ejit me lek, m̀kpafieek owot; mije, Okumugwem, iin̄, Okumugwem ore unye n̄a mè okwa n̄a, ọmọ onikana ogwu unyan̄a inyi emi.”

³Enyi mêsa me unwọọn̄ isi ichibi mun̄ me emen udọn̄ mun̄ eyi unyan̄a.

⁴Me usen ya, enyi mêtumu ibe, “Ìbe Okumugwem onirọ, mè ìgwen erieen̄ kan̄; ìtumu inu îrọbe ìsibi ìnyi ebi ido geelek, mè ìkpa ìkana ibe ke erieen̄ kan̄ mimin.

⁵Ìkọt okwa ìnyi Okumugwem, mije, îrọ inu òkaan̄ mgbugbo; ìrọ mè otutuuk ebi linyọn̄ eriọọn̄ inu îrọbe.

⁶Ìbene ida ìtaan̄ ukpo, mè ìkọt okwa ìnwọọn̄ unwọọn̄, enyi ebi ìluk me Sayọn, mije, Ogwu Mbuban ebi Ijeren, ogwu òluk me etete kinyi îmin enenen.”