Read obolo Asaya 4 Bible Online

Asaya 4 - obolo bible

Asaya 4

¹Me usen ya, ebibaan̄ jaaba mêwulu ijeen̄ me lek enerieen̄ ge, mè ikibe ọmọ, “Eji mêrie inorie ubọk kiji, mè ikwun ekwut ubọk kiji. Gaalek tele inyi eji echieek erieen̄ kwun̄, ufuna eji ekakana inu ochak.”

²Me usen ya, Agọọk Uti eyi Okumugwem môjaan̄ uja mè ikaan̄ umin. Mfut ònan̄a me ijọn̄ ya môre inu ngugo mè inu ulibi inyi ebi Ijeren ebi mênwọnọbe.

³Ebi ìsisik me Sayọn, òrere ebi ìsisik me Jeruselem, otutuuk ebi egebe erieen̄ me etete ebi ìkup me ugwem me Jeruselem, mêgwen ema ebi ìkup mbuban.

⁴Ogwukaan̄-ene isigwọk okpa ebibaan̄ Sayọn isan̄a, mè ituku eje isan̄a me Jeruselem sa me ekwukwu eyi oyerebet mè ekwukwu eyi ukan̄,

⁵mgbọ ya, Okumugwem mônenirom oduku inyọn̄ òbokiduku me ikarek, mè oduku mè alọm ukan̄ òbokitoon̄ me eririeen̄ isa ichit otutuuk inyọn̄ ogoon̄ Sayọn, mè inyọn̄ ibot ebi geelek ìkititiin̄ me ere ya, inyi môkikwek ema ibot. Mije, Okumugwem môwele okwukwek ichit ere mbuban, ere ujamgbugbo kan̄ okisibi ikeke.

⁶Eya mônenire ere ichit ibot me lek uyok ikarek, mè ere ilet-lek mè ere ikwek-lek me lek egwijo mè ibot.