Read obolo Jeri 45 Bible Online

Jeri 45 - obolo bible

Jeri 45

¹Me òso acha ini me lek mkpulu kè Jioyakim gwun̄ kè Josaya ogwu ubọọn̄ Juda, Jerimaya ogwu nriran îgwen ikọ inyi Baruk gwun̄ kè Neriya, Baruk okekige ikọ cha Jerimaya okigwen inyi ọmọ itap me ikpa ekakat ibe:

²“Baruk, Okumugwem, Awaji ebi Ijeren, ìtumu inyi owu ibe ikeyi:

³Owu òtumu ibe, ‘Jei, eyi n̄a îta! Okumugwem îtap ufieejit isọkọ me lek ufiak n̄a. Lek îwọ emi ikpukpuku igwook inyi itoto mfi, ǹkakaan̄ isiki-efuuk.’ ”

⁴Okumugwem onenitumu inyi emi ibe, “Tumu nyi Baruk ibe, ‘Okumugwem ìtumu ibe ikeyi: Emi mânigbugbọ inu mbọpbe, mè ijibi inu mwopbe. Ikeyi ke mbarọ me otutuuk lek ijọn̄ yi.

⁵Ìre òkiweek ikpele inu inyi lek kwun̄ ni? Kayaka ìweek. Mije, mânisa ùrioon̄ itoon̄ otutuuk ene. Ire, ere geelek owu môsibe, owu mônwọnọ, mè isa ebek ugwem kwun̄ ika. Emi Okumugwem ntumu.’ ”