Read obolo Ijik 9 Bible Online

Ijik 9 - obolo bible

Ijik 9

¹Nneninọ Awaji okitaan̄ ukpo inyi ida ikibe, “Ìsa ebi ìkibem ama ìsibi inu me ere keyi, ogwu ikup, ikaan̄ nroon̄ akọn̄ me ubọk.”

²Mmumun̄ ene gweregwen enan̄abe me agan̄ otunchit eyi inyọn̄ inyọn̄, eyi òkikpọ agan̄ inyọn̄, ikana isibi, kpa ogwu mè nroon̄ kan̄ me ubọk. Ene ge me lek kiban̄ ìsa ekwut lilin̄ ibala lek, mè itobo akpa ikwaan̄ ogwu òge ikpa ijeen̄ me ebon kan̄. Ema eninin̄ Uwu Mbuban, mè inikeke me agba lek ntook ngwugwa eyi ekwe ya.

³Ujamgbugbo Awaji ebi Ijeren onenijibi ibene inan̄a me inyọn̄ ebi mbem emen inyọn̄, ere îkekebe, mè ijujuk ifo otu isotu Uwu Mbuban. Okumugwem onenigwen ogwu òsa ekwut lilin̄ ibala lek ya, mè itobo akpa ikwaan̄ ogwu òge ikpa me ebon kan̄ ya,

⁴mè itumu inyi ene ya ibe, “Je kana otutuuk emen ama Jeruselem, mè tap iman̄ òriọọn̄ me okwut isi ebi ìfefieek ejit mè ito ito bak me lek otutuuk òchichaka inu erọbe me emen ama yi.”

⁵Nneninọ îtumube inyi ebibilọ cha ibe, “Ìgọọk ọmọ me udun̄ ìkana emen ama, mè ìkpan̄ ene, ikarọ ene geege nsan, ikatoto njijin.

⁶Ìkpan̄ ebirieen̄ mè ebibaan̄ ebi ugane, mè nsabọn irieen̄, mè nsabọn ibaan̄, mè asa nsabọn. Ire, ikachak ubọk me lek ene geelek òkakaan̄ iman̄ òriọọn̄. Ìbene me Uwu Mbuban n̄a.” Mgbọ yaage, ema ebebene me lek ebi ugane cha ìkup me isi Uwu Mbuban.

⁷Inenibe ema, “Ìfifila Uwu Mbuban, mè ìkpulu nkwukwu ebi ekpan̄be ìtaak ìjot oyet egep kan̄ geelek. Ìje!” Ema ejeje isibi, mè ibene ikikpan̄ ene me otutuuk emen ama ya.

⁸Mgbọ ema ekikpan̄ ene, emi gaalek nsik me ere ya. Nrọrọn̄ ikana isi ichit me ijọn̄, mè itaan̄ ukpo unye unye ibe, “Iyak, Ogwukaan̄-ene Okumugwem! Ìre òbotata otutuuk ebi uwu kè Ijeren ìsisik isan̄a ni me uyok uyok unaan̄-ejit keyi ogbukube igwook me Jeruselem?”

⁹Ifọfọọk emi ibe, “Ijo inu uwu kè Ijeren mè Juda îmin enenen iraka iman̄. Eje ene eje ene ojot otutuuk ere me ido, wọlọwọlọ si ìjojot emen ama yi. Ema ekibe, ‘Okumugwem îjit ido kiji itele, Okumugwem ìkamun̄ eji.’

¹⁰Eya orọ, emi m̀kpato ema nsan, m̀kpatele inyinyi ema osusut. M̀bayayaka inu ema erọbe ichit ema me ibot.”

¹¹Ogwu òsa ekwut lilin̄ ibala lek mè itobo akpa ikwaan̄ ogwu òge ikpa me ebon ya, osasa etip inilook ibe, “Nrọ otutuuk inu onyibe ida ibe emi ǹrọ.”