Read obolo Osia 3 Bible Online

Osia 3 - obolo bible

Osia 3

¹Okumugwem onenitumu inyi emi ibe, “Je, kpọk si ma enenwaan̄ ya òkisi ugan, ogwu ònire ugan inyi ofifi ene. Ma ogwu enenwaan̄ ya kubọk Okumugwem omabe ebi Ijeren ìgwugwu ikom igọọk ofifi awaji, mè ikima nchicha gerep ekisa irie ijọk yọk.”

²Ike ya ke nnisa akọp mè ikpoko alata okuket go, mè efit kilo akpa balì ge mè akọp kilo go ilep ọmọ.

³Nnenitumu inyi ọmọ ibe, “Owu môgọọk emi ikup owuwa usen. Owu òkpoyaka ije oyet, òkposi ugan me lek ofifi ene. Emi mbaluk melek kwun̄.”

⁴Mije, ebi Ijeren mêluk ijọn̄ọ mgbọ, kpebekaan̄ ogwu ubọọn̄ mè ìre ogwu ibot mkpulu. Ngwugwa mè ewuuk mfaka, mè mgbidim ofọnti ikwaan̄ mè mkpọmfaka ìkpokup.

⁵Ire, me òta kan̄, ebi Ijeren mêkika inu iniweek Okumugwem Awaji kiban̄, mè iweek si Debit ogwu ubọọn̄ kiban̄. Ema mêkiran inu me lek Okumugwem, mè ikibọkọ ata inu me ubọk kan̄ me mgburudun̄ usen cha.