Read obolo Osia 7 Bible Online

Osia 7 - obolo bible

Osia 7

¹“Mgbọ nsigwa ebi Ijeren, ijo inu kè Iferem îra ikpọk mbum, inu ikpak ebi Sameria îra ifuku isibi. Ema ekikan̄ ataak; ebi inọ mêkibum uwu iraka inin̄, ogbo ebi inọ afa mêkitet ene me oniin̄.

²Ema kperiọọn̄ ibe ke ǹkawuuk otutuuk inu ikpak kiban̄. Ijo inu kiban̄ ìkakana ema okokop, mè ikeke me isi n̄a mgbọ geelek.

³Ema ekisa inu ikpak kiban̄ irọ ogwu ubọọn̄ ibele ejit, mè ikisa ataak kiban̄ irọ ebi ibot mkpulu etop ejit.

⁴Ema otutuuk ìre ebi ugan-nwa; eya ìkiyok ema me ejit kubọk ukan̄ orioon̄ fituru, eyi ogwu òwọp fituru okitap iye, inyi ikiyok, bene me mgbọ îkimian̄a akpa ekọkọk, isi ire mgbọ îwukube.

⁵Me usen ijọk ogwu ubọọn̄ kiji, ebi ibot mkpulu mînwọ miin̄ idide, ogwu ubọọn̄ ogọgọọk ebi ochak igbaan̄ ubọk irọ inu.

⁶Ijo otitọt ìyok ema me ejit kubọk ukan̄ emen orioon̄ fituru; otutuuk eririeen̄ ìkibububuuk; isire ewelegwe, îra iseme kubọk ukan̄ òkisasak.

⁷Ema otutuuk ene eyok kubọk orioon̄ fituru; mîkpaan̄ otutuuk ebi ibot mkpulu kiban̄ isan̄a. Mîkpaan̄ otutuuk ebi ubọọn̄ kiban̄ igwook, kpunu ene geege me etete kiban̄ òtataan̄ ukpo igwen emi.

⁸“Ebi Iferem mîgọọk ebi ofifi ido geelek igbaan̄ ifufuku; ebi Iferem ebet lek unin̄i fituru eyi kpewọp ibet.

⁹Ebi ofifi ife mîkpukpuku unye kiban̄ isan̄a, ire, ema kperiọọn̄. Isọọn̄ îgigen̄e ema me ibot, ire, ema kperiọọn̄.

¹⁰Ugumulek ebi Ijeren okitumu ikọ ikeme ema, ire, me emen inu chi geelek, ebi Ijeren kpegwu ikom isi lek Okumugwem Awaji kiban̄, kpeweweek si ọmọ.

¹¹“Ebi Iferem ebet lek ekerekwukwu, ema ekup ebot ebot, mè ikup ètele ètele, mêkigwen ebi Ijipiti ibe enin̄ ema lek, mêkikana igọọk ebi Asiria isi iweek ntap-ubọk.

¹²Ema isije, mâtọp njin n̄a ichit ema, mè itaba ema igwook me ijọn̄ kubọk unọn òwulu me inyọn̄. Mâsulu ema osusut, kubọk mwuukbe lek ilook me emen ntitiin̄ kiban̄.

¹³Môfieek inyi ema, mije ema mîje ikwala me lek n̄a! Mêjijaka ema igwook, mije, ema mîfieek inan̄a me lek n̄a! Mweek ifafaka ema isibi, ire, ema ekakan̄ ataak itoon̄ emi.

¹⁴Ema kpekitaan̄ ukpo igwen emi me otutuuk ejit kiban̄, ire, ekup me inyọn̄ mkpilaak kiban̄ ikito ito. Ema ekibak me lek akpa mè aya miin̄ ikigbaan̄ ititiin̄,[7] mè ijit emi itele.

¹⁵Îre emi me lek n̄a njeen̄ ema inu, mè irọ ubọk kiban̄ inye, ire, emi ke ema eyaka itọt ijo inu ikeme.

¹⁶Ema mîgwu ikom, ire, ìkare Okumugwem ke egwu ikom inu me lek; ema ekup kubọk ogbaan̄ òdedek ejit. Ebi ibot mkpulu kiban̄ mêkwaan̄ me otu oge akọn̄, mije ijo otu ikọ kiban̄. Eyi ke ebesa ichak ema ochak me ijọn̄ ido Ijipiti.”