Read obolo Emọs 1 Bible Online

Emọs 1 - obolo bible

Emọs 1

¹Echi ìre ikọ Emọs, ene ge me lek ebi òkpukpo arọọn̄ me ama Tekowa, otumube me ilaak ọkpọchieen̄ ofolek ebi Ijeren. Emọs ìmun̄ ilaak ọkpọchieen̄ yi me ukot mgbọ Ujaya orebe ubọọn̄ me Juda, sà Jerobuwam gwun̄ kè Jowas ore ubọọn̄ me Ijeren. Îmun̄ ilaak ọkpọchieen̄ yi acha iba iraka sabum sikisik-ijọn̄ onimọnọ irek.

²Emọs ìtumu ibe ikeyi: “Okumugwem òkigbin me Sayọn, òkisook ida me Jeruselem; ere ebi òkpukpo arọọn̄ ekisa anam isi urie ìbochachat, mbubet inyọn̄ ibot ogoon̄ Kamen ìbochachiaak isan̄a.”

³Okumugwem ìtumu ibe ikeyi: “Mije owuwa ijo inu ebi Damasikọs erọbe mè ikpọk irọ, m̀kpatele inanaan̄ ejit me lek kiban̄. Bak me lek ema esabe okwukwut ekisa igen̄ akpa ibọn̄ ebi Giliadi ikpukpuku,

⁴mâria ukan̄ itap me lek uwu ogwu ubọọn̄ Ajayen, eyi môtakabe uwu mgban akọn̄ kè Ben-Adadi, ogwu ubọọn̄ Aram, iriọk.

⁵Mâgbugbọ otunchit ama Damasikọs igwook, mâsan̄a ogwu etobe ubọọn̄ me iteke Afen isan̄a, mè isan̄a si ogwu òkaan̄ okuba ubọọn̄ me Bet Iden isan̄a me inyọn̄ ogboon̄ kan̄. Mêkpulu ebi Aram me akọn̄ isa ifo Kiri. Emi Okumugwem ntumu.”

⁶Okumugwem ìtumu ibe ikeyi: “Mije owuwa ijo inu ebi Gaja erọbe mè ikpọk irọ, m̀kpatele inanaan̄ ejit me lek kiban̄. Bak me lek ema ekpulube otutuuk ido ebi n̄a me akọn̄, mè isa ema isi inyam inyi ebi Edọm me usun̄,

⁷mâria ukan̄ itap me lek mgban ama Gaja, eyi môtakabe uwu mgban akọn̄ kiban̄ iriọk.

⁸Mâsan̄a ogwu etobe ubọọn̄ me ama Asidọdu isan̄a, mè isan̄a si ogwu òkaan̄ okuba ubọọn̄ me Asikelọn isan̄a me inyọn̄ ogboon̄ ubọọn̄ kan̄. Mâyaka ubọk n̄a ida ebi Ekurọn, mege ebi Filisia mêkwaan̄be ita ire lek òta ene. Emi Ogwukaan̄-ene Okumugwem ntumu.”

⁹Okumugwem ìtumu ibe ikeyi: “Mije owuwa ijo inu ebi Taya erọbe mè ikpọk irọ, m̀kpatele inanaan̄ ejit me lek kiban̄. Bak me lek ema ekpulube otutuuk ido ebi n̄a me akọn̄, mè isa ema isi inyam inyi ebi Edọm me usun̄, kpeyaka ikeek inyan̄a-ibot ngwan̄ mè ngwan̄ ema enyan̄abe melek ebi n̄a,

¹⁰mâria ukan̄ itap me lek mgban ama Taya, eyi môtakabe uwu mgban akọn̄ kiban̄ iriọk.”

¹¹Okumugwem ìtumu ibe ikeyi: “Mije owuwa ijo inu ebi Edọm erọbe mè ikpọk irọ, m̀kpatele inanaan̄ ejit me lek kiban̄. Bak me lek ema esabe oge akọn̄ ililaba ebi ngwan̄ kiban̄ ebi Ijeren, mè ijit itoto ebi Ijeren nsan; bak me lek ema kpema itetele unaan̄-ejit mgbọ geege, ekpọkpọ itet uyok uyok unaan̄-ejit kiban̄ inye ire mgbọ geelek;

¹²mâria ukan̄ itap me ama Teman, eyi môtakabe uwu mgban akọn̄ òkup me ama Bojira iriọk.”

¹³Okumugwem ìtumu ibe ikeyi: “Mije owuwa ijo inu ebi Amọn erọbe mè ikpọk irọ, m̀kpatele inanaan̄ ejit me lek kiban̄. Bak me lek, mgbọ ema ekitim akọn̄ ibọkọ ijọn̄ isọkọ me lek ijọn̄ kiban̄, ema mîchiin̄ owot ebi nwa-owot ibak me agan̄ Giliadi.

¹⁴Eya orọ, mâria ukan̄ itap me lek mgban ama Raba, eyi môtakabe uwu mgban akọn̄ kiban̄ iriọk. Inu yi ìborọ me mgbọ mêkibọn̄ ukpo akọn̄ me usen akọn̄, mgbọ efet ogbolodom môjibibe ibene me usen egwijo.

¹⁵Mêtetet ogwu ubọọn̄ kiban̄ me akọn̄ ifo, ọmọ melek ebi ibot mkpulu kan̄ ebegbaan̄ ije. Emi Okumugwem ntumu.”