Read obolo Ifuk 23 Bible Online

Ifuk 23 - obolo bible

Ifuk 23

¹Balam onenitumu inyi Balak ibe, “Nama ntook jaaba nyi emi me ere keyi, mè gwu eriembuuk jaaba mè orie arọọn̄ jaaba gbaalek nyi emi.”

²Balak orọrọ ike Balam otumube. Ema ene iba enenisa anam cha igwa ngwugwa me inyọn̄ ntook ngwugwa cha, eriembuuk ge mè orie arọọn̄ ge me inyọn̄ ntook ge.

³Balam onenitumu inyi Balak ibe, “Keke me ere keyi me agba lek ngwugwa ewọwọp iriọk kwun̄ ban emi, inyi mâda lek ibọkọ, mè isi ikpọ-nu mè ìre Okumugwem môsibi inu inichichini melek n̄a. Ikaan̄ inu geelek îchilibe ijeen̄ emi, mânu inikpa inyi owu.” Inanan̄a ije inene ifo inyọn̄ ibot ogoon̄ ya, ọmọ gaalek.

⁴Awaji osisibi ichichini melek kè Balam. Balam otutumu inyi Awaji ibe, “Nra inama ntook jaaba, mè igwu si eriembuuk ge ge mè orie arọọn̄ ge ge me inyọn̄ ntook jaaba cha.”

⁵Okumugwem onenitap etip me otu kè Balam ibe, “Gwu kom si lek kè Balak, mè sa etip keyi si look ọmọ.”

⁶Balam ogwugwu ikom, mè isi imun̄ Balak okpọkpọ ikeke me agba lek inu ngwugwa ewọwọp iriọk kan̄, ọmọ melek ebi ibot mkpulu Mowabu.

⁷Balam oneniben etip nriran kan̄ ilook Balak ibe, “Balak osa emi me Aram isibi inu, ogwu ubọọn̄ Mowabu osa emi me inyọn̄ ogoon̄ agan̄ mbum-ura inu, mè ibe emi, ‘Na, na fieek otu nyi Jekọp nyi emi, na, na gbo Ijeren nyi emi.’

⁸Ìre m̀bajeje ifieek otu inyi ife cha ebi Awaji ìkafieek otu ìnyi? Ìre m̀bajeje igbo ife cha ebi Okumugwem ikagboge?

⁹Ǹkup me inyọn̄ ibot ogoon̄ ewuuk ewuuk imun̄ ema, ǹkup me ere ubene ubene imọọn̄ ema. Mmun̄ ife ebi ìluk ọkpọkpọ, kpefuk lek kiban̄ itap kubọk ebi ido geege.

¹⁰Ìre ekene obokọt ifuk ebi egep kè Jekọp ìwa kubọk nkwukwuuk mfuun̄, ikerere irek ge me lek irek ini me otu ifuk ebi Ijeren, ìre ekene obokọt ifuk? Tele ǹkwu mkpa ebi ata irọrọ, kè òta mgbọ me ugwem n̄a ikup kubọk eyi kiban̄!”

¹¹Balak onenibe Balam, “Ìre kpasi inu ke owu orọ emi ikeyi? Ǹsa owu inu ibe owu ònofieek otu ònyi ebi ochicha n̄a. Kpan̄asi ikeya, owu òyaka ìnikigbagbana ema.”

¹²Balam ofọfọọk ọmọ ibe, “Ìre ìkare inu Okumugwem otapbe emi me otu ke mbagwuun̄ chieen̄ me lek itumu?”

¹³Balak onenitumu inyi Balam ibe, “Na, inyi eji esi ofifi ere, ere owu môkọtbe ikup imun̄ ife cha, ubọk geelek ikarege ema otutuuk ke obomun̄, owu mômun̄ usini kiban̄. Eji isi ire, kup me ere keya fieek otu nyi ema nyi emi.”

¹⁴Balak onenisa Balam ije inene isi lek oron Jofim me inyọn̄ ibot ogoon̄ Pisiga, mè inama ntook ngwugwa jaaba me ere ya, mè inigwu eriembuuk ge ge mè orie arọọn̄ ge ge me inyọn̄ ntook jaaba cha iso.

¹⁵Balam onenitumu inyi ogwu ubọọn̄ Balak ibe, “Kup me agba lek ngwugwa ewọwọp iriọk kwun̄ ban emi, inyi mâsi ichichini melek Awaji me ere keyilọ.”

¹⁶Okumugwem onenisibi ichichini melek Balam, mè initap ọmọ ikọ me otu ibe, “Gwu kom si lek kè Balak, mè sa etip keyi jet.”

¹⁷Balam ogwugwu ikom isi, mè isi imun̄ Balak okpọkpọ ikeke me agba lek inu ngwugwa ewọwọp iriọk kan̄, ọmọ melek ebi ibot mkpulu Mowabu. Balak ododo Balam ibe, “Ìre keke ke Okumugwem otumu?”

¹⁸Balam oneniben etip nriran kan̄ ilook ibe, “Balak, nan̄a keke, mè gban̄, gwun̄ enerieen̄ kè Jipọ, nọ ikọ mbatumu.

¹⁹Awaji ìkare ebilene kubọk môkọtbe ikan̄ ataak, ìkarere si gwun̄ ogwu ebilene kubọk môkọtbe inwene ejit. Ìre Awaji îkitumu ikọ, mè itele irọrọ? Sà ìre îkichieek use, mè itele irọrọ iso ni?

²⁰Awaji înyi emi ida ibe emi m̀gbana, ọmọ îra igbagbana isan̄a, emi m̀kpakọt ifaan̄.

²¹“Awaji ìkamun̄ nlilọ inu geege me emen kè Jekọp, ìkamumun̄ si ufialek geege me Ijeren.[16] Okumugwem Awaji kiban̄ òwa melek kiban̄, ema ekekibọn̄ okoko inyi Okumugwem ogwu ubọọn̄ kiban̄.

²²Îre Awaji osan̄a ema isibi me Ijipiti, mè ikup me etete kiban̄ kubọk iko orie eriembuuk.

²³Kpunu ibọk geege òbokọt ireke me lek kè Jekọp, kpukpunu si ido-inu geege òbokọt itet ebi Ijeren. Mgbọ keyi, mêkitumu ikọ ibak Jekọp, mè itumu si ibak Ijeren ibe, ‘Ìkpọ ubọk ikwaan̄ Awaji!’

²⁴Kpọ, ife chi mêtọbọ ijibi kubọk uman egbe àtat, mè ijibi lek ibene kubọk orie egbe àtat, eyi ìkakisiki efuuk, îtata ìgwagwak anam îchimbe itaka isan̄a, mè inwọ eje anam îtetbe ire ubọk.”

²⁵Balak onenitumu inyi Balam ibe, “Ire ikeya ke îkup, kafieek otu ìnyi ema, ire, kagbagbana si ema!”

²⁶Balam oyayaka inifọọk Balak ibe, “Ìre ǹkatumu ìnyi owu ibe ke inu geelek Okumugwem môtumube, ke îre eya ke mbarọ?”

²⁷Balak onenitumu inyi Balam ibe, “Na mè nsa owu ǹsi ofifi ere. Usini mgbọ, môneme Awaji ibe owu òkup me ere ya òfieek otu ònyi ife cha ònyi emi.”

²⁸Balak onisa Balam inene isi inyọn̄ ibot ogoon̄ Peyọ òkibene isi ikpọ emen èwê.

²⁹Me ere ya, Balam otutumu inyi Balak ibe, “Nama ntook jaaba nyi emi, mè bala eriembuuk jaaba mè orie arọọn̄ jaaba nyi emi.”

³⁰Balak orọrọ ike Balam otumube, mè igwu anam cha, eriembuuk ge mè orie arọọn̄ ge me inyọn̄ ntook ge.