Read Papantla Totonac Genesis 16 Bible Online

Genesis 16 - Papantla Totonac bible

Genesis 16

¹Awor Sarai, esposa di Abram, no a hana yu p'e, i Sarai tabatin un kria egipsio ku tabata yama Hagar.

²Asina Sarai a bisa Abram: "Awor mira, SENOR no a lagami hana yu. Pa fabor, drumi ku mi kria; podise lo mi hana yu pa medio di dje." I Abram a skucha bos di Sarai.

³Anto despues ku Abram a biba dies ana na tera di Kanaan, Sarai, esposa di Abram, a tuma Hagar, su kria egipsio, i a dun'e na su esposo Abram komo su esposa.

⁴I Abram a drumi ku Hagar, i el a sali na estado; i ora ku el a mira ku el a sali na estado, su shon a keda despresia den su bista.

⁵I Sarai a bisa Abram: "Ku e ofensa ku mi a sufri keda riba bo. Mi a pone mi kria den bo brasa, ma ora ku el a mira ku el a sali na estado, mi a keda despresia den su bista. Ku SENOR huzga entre ami i abo."

⁶Ma Abram a bisa Sarai: "Mira, bo kria ta den bo poder; hasi kune loke ta bon den bo bista." E ora ei Sarai a trata duru kune, i Hagar a hui bai for di su presensia.

⁷Awor e Angel di SENOR a han'e banda di un fuente di awa den desierto, banda di e fuente na kaminda pa Shur.

⁸I El a bisa: "Hagar, kria di Sarai, di unda bo a bin i na unda bo ta bai?" I el a bisa: "Mi ta hui for di presensia di mi shon Sarai."

⁹Anto e Angel di SENOR a bis'e: "Bai bek serka bo shon, i somete bo mes na su outoridat."

¹⁰Ademas, e Angel di SENOR a bis'e: "Lo Mi multiplika bo desendientenan masha hopi mes, asina ku nan lo ta muchu hopi pa konta."

¹¹E Angel di SENOR a sigui bis'e: "Mira, bo ta na estado, i lo bo hana un yu homber; i lo bo dun'e e nomber Ismael, pasobra SENOR a tende bo aflikshon.

¹²I e lo ta un homber salbahe, su man lo ta kontra tur hende, i tur hende su man lo ta kontra dje; i e lo biba den presensia di tur su rumannan."

¹³E ora ei el a yama e nomber di SENOR, Kende a papia kune, "Bo ta un Dios ku ta mira"; pasobra el a bisa: "T'asina ku aki tambe mi a mira Esun ku ta mirami?"

¹⁴Pesei e pos a wordu yama Beer-lahai-roi; mira, e ta keda entre Kades i Bered.

¹⁵Asina Hagar a hana un yu homber pa Abram; i Abram a duna e yu homber, ku Hagar a hana, e nomber Ismael.

¹⁶I Abram tabatin ochent'i seis ana tempu ku Hagar a hana Ismael p'e.