Read Papantla Totonac Genesis 36 Bible Online

Genesis 36 - Papantla Totonac bible

Genesis 36

¹Awor esakinan ta e generashonnan di Esau, (esta, Edom).

²Esau a tuma su esposanan for di e yu muhenan di Kanaan: Ada, yu muhe di Elon e heteo, i Aholibama, yu muhe di Ana i nieta di Zibeon e heveo;

³tambe Basemat, yu muhe di Ismael i ruman muhe di Nebaiot.

⁴I Ada a hana Elifaz pa Esau, i Basemat a hana Reuel,

⁵i Aholibama a hana Jeus, Jalam i Kore. Esakinan ta e yu hombernan di Esau ku a nase p'e na tera di Kanaan.

⁶Anto Esau a tuma su esposanan, su yu hombernan i su yu muhenan i tur e hendenan di su kas i su bestianan di kria i tur su animalnan i tur su biennan ku el a atkiri na tera di Kanaan, i a bai un otro tera, laga su ruman homber Jakob.

⁷Pasobra nan propiedat a bira muchu grandi pa nan keda biba huntu, i e tera kaminda nan a keda biba pa un tempu no por a sostene nan pa motibu di nan bestianan.

⁸Asina Esau a biba den e serunan di Seir; Esau ta Edom.

⁹Esakinan anto ta e generashonnan di Esau, tata di e edomitanan den e serunan di Seir.

¹⁰Esakinan ta e nombernan di e yu hombernan di Esau: Elifaz, yu homber di Esau su esposa Ada; Reuel, yu homber di Esau su esposa Basemat.

¹¹I e yu hombernan di Elifaz tabata Teman, Omar, Zefo, Gatam i Kenaz.

¹²I Timna tabata konkubina di Elifaz, yu homber di Esau, i el a hana Amalek pa Elifaz. Esakinan ta e yu hombernan di Esau su esposa Ada.

¹³I esakinan ta e yu hombernan di Reuel: Nahat, Zera, Sama i Miza. Esakinan tabata e yu hombernan di Esau su esposa Basemat.

¹⁴I esakinan tabata e yu hombernan di Esau su esposa Aholibama, yu muhe di Ana i nieta di Zibeon: el a hana Jeus, Jalam i Kore pa Esau.

¹⁵Esakinan ta e hefenan di e yu hombernan di Esau. E yu hombernan di Elifaz, e primogenito di Esau, ta: Hefe Teman, Hefe Omar, Hefe Zefo, Hefe Kenaz,

¹⁶Hefe Kore, Hefe Gatam i Hefe Amalek. Esakinan ta e hefenan ku tabata desendiente di Elifaz na tera di Edom; esakinan ta e yu hombernan di Ada.

¹⁷I esakinan ta e yu hombernan di Reuel, yu homber di Esau: Hefe Nahat, Hefe Zera, Hefe Sama i Hefe Miza. Esakinan ta e hefenan ku tabata desendiente di Reuel na tera di Edom; esakinan ta e yu hombernan di Esau su esposa Basemat.

¹⁸I esakinan ta e yu hombernan di Esau su esposa Aholibama: Hefe Jeus, Hefe Jalam i Hefe Kore. Esakinan ta e hefenan ku tabata desendiente di Esau su esposa Aholibama, yu muhe di Ana.

¹⁹Esakinan ta e yu hombernan di Esau (esta, Edom), i esakinan ta nan hefenan.

²⁰Esakinan ta e yu hombernan di Seir e horeo, e habitantenan di e tera: Lotan, Sobal, Zibeon, Ana,

²¹Dison, Ezer i Disan. Esakinan ta e hefenan ku tabata desendiente di e horeonan, e yu hombernan di Seir na tera di Edom.

²²I e yu hombernan di Lotan tabata Hori i Heman, i e ruman muhe di Lotan tabata Timna.

²³I esakinan ta e yu hombernan di Sobal: Alvan, Manahat, Ebal, Sefo i Onam.

²⁴I esakinan ta e yu hombernan di Zibeon: Aja i Ana. Esaki ta e Ana ku a hana e fuentenan di awa kayente den desierto tempu ku e tabata pastoria e burikunan di su tata Zibeon.

²⁵I esakinan ta e yunan di Ana: Dison, i Aholibama, yu muhe di Ana.

²⁶I esakinan ta e yu hombernan di Dison: Hemdan, Esban, Itran i Keran.

²⁷Esakinan ta e yu hombernan di Ezer: Bilhan, Zaavan i Akan.

²⁸Esakinan ta e yu hombernan di Disan: Uz i Aran.

²⁹Esakinan ta e hefenan ku tabata desendiente di e horeonan: Hefe Lotan, Hefe Sobal, Hefe Zibeon, Hefe Ana,

³⁰Hefe Dison, Hefe Ezer i Hefe Disan. Esakinan ta e hefenan ku tabata desendiente di e horeonan, segun nan hefenan na tera di Seir.

³¹Awor esakinan ta e reinan ku tabata reina na tera di Edom prome ku tabatin un rei ta reina riba e yunan di Israel.

³²Bela, yu homber di Beor, tabata reina na Edom, i nomber di su stat tabata Dinaba.

³³Bela a muri, i Jobab, yu homber di Zera for di Bosra, a bira rei na su luga.

³⁴Jobab a muri, i Husam di e tera di e temanitanan a bira rei na su luga.

³⁵Husam a muri, i Hadad, yu homber di Bedad, kende a derota Madian den sabana di Moab, a bira rei na su luga; i nomber di su stat tabata Avit.

³⁶Hadad a muri, i Samla di Masreka a bira rei na su luga.

³⁷Samla a muri, i Saul di Rehobot na Riu Eufrates a bira rei na su luga.

³⁸Saul a muri, i Baal-hanan, yu homber di Akbor, a bira rei na su luga.

³⁹Baal-hanan, yu homber di Akbor, a muri, i Hadar a bira rei na su luga; i nomber di su stat tabata Pau, i nomber di su esposa tabata Mehetabel, yu muhe di Matred, yu muhe di Mezahab.

⁴⁰Awor esakinan ta e nombernan di e hefenan ku tabata desendiente di Esau, segun nan famianan i nan luganan i nan nombernan: Hefe Timna, Hefe Alva, Hefe Jetet,

⁴¹Hefe Aholibama, Hefe Ela, Hefe Pinon,

⁴²Hefe Kenaz, Hefe Teman, Hefe Mibzar,

⁴³Hefe Magdiel i Hefe Iram. Esakinan ta e hefenan di Edom (esta, Esau tata di e edomitanan), segun nan luganan di biba na e tera di nan poseshon.