Read Papantla Totonac Genesis 41 Bible Online

Genesis 41 - Papantla Totonac bible

Genesis 41

¹Awor a sosode ku na final di dos ana kompleto Farao tabatin un sono, i mira, e tabata para kantu di Neil.

²I ata, for di Neil a sali shete baka gordo bunita, i nan tabata kome den e yerba kantu di riu.

³I mira, shete otro baka flaku mahos a sali bin despues di nan for di Neil, i nan a bai para banda di e otro bakanan kantu di Neil.

⁴I e bakanan flaku mahos a kome e shete bakanan gordo bunita. E ora ei Farao a spierta.

⁵Anto el a pega sono i a sona pa di dos biaha; i mira, shete tapushi di mainshi a sali na un solo richi, grandi i bon.

⁶I mira, shete tapushi, bashi i kima dor di bientu di pariba, a spreit despues di eseinan.

⁷I e tapushinan bashi a traga e shete tapushinan grandi i yen. E ora ei Farao a spierta, i mira, tabata un sono.

⁸Awor a sosode ku su manise su spiritu tabata tribula; pesei el a laga yama tur e magonan di Egipto i tur su sabionan. I Farao a konta nan su sononan, ma no tabatin ningun hende ku por a interpreta nan pa Farao.

⁹E ora ei e hefe di e koperonan a papia ku Farao, bisando: "Awe mi ta konfesa mi pikanan.

¹⁰Farao tabata furioso riba su sirbidonan, i el a laga serami den kas di e kapitan di guardia, tantu ami komo e hefe di e panaderonan.

¹¹I den e mesun anochi nos tur dos tabatin un sono, e i ami. Kada un di nos a sona konforme e interpretashon di su mes sono.

¹²Awor tabatin un hoben hebreo huntu ku nos ayanan, un sirbido di e kapitan di guardia, i nos a kont'e nos sono i el a interpreta nan pa nos. Pa kada un el a interpreta konforme su mes sono.

¹³I a sosode ku manera el a interpreta pa nos, asina a sosode; rei a ponemi bek na mi puesto, ma el a horka e hefe di e panaderonan."

¹⁴E ora ei Farao a manda yama Jose, i nan a tres'd pura for di den prizon; i ora ku el a kaba di feita i kambia su pana, el a bai serka Farao.

¹⁵Anto Farao a bisa Jose: "Mi tabatin un sono, ma ningun hende no por a interpret'd; i mi a tende nan bisa di bo, ku ora bo tende un sono, bo por interpret'd."

¹⁶E ora ei Jose a kontesta Farao, bisando: "No ta ami por; Dios lo duna Farao un kontesta faborabel."

¹⁷Pesei Farao a bisa Jose: "Mira, den mi sono mi tabata para kantu di Neil;

¹⁸i ata, shete baka gordo bunita a sali for di Neil i nan tabata kome den e yerba kantu di riu.

¹⁹I mira, despues di nan a sali shete otro baka malu, flaku i masha mahos, manera nunka mi a yega di mira mahos asina den henter tera di Egipto;

²⁰i e bakanan flaku mahos a kome e promd shete bakanan gordo.

²¹Tog ora nan a kaba di kome nan, no por a ripara ku nan a kome nan, pasobra nan a keda mes mahos ku promd. E ora ei mi a spierta.

²²"Tambe mi a mira den mi sono, i ata, shete tapushi yen i bon a sali na un solo richi.

²³I ata, shete tapushi seku i bashi i kima dor di bientu di pariba a spreit despues di nan.

²⁴I e tapushinan bashi a traga e shete tapushinan bon. Anto mi a konta e magonan esaki, ma no tabatin ningun hende ku por a splikami esaki."

²⁵E ora ei Jose a bisa Farao: "E sononan di Farao ta un. Dios a konta Farao kiko E ta bai hasi.

²⁶E shete bakanan bon ta shete ana; i e shete tapushinan bon ta shete ana; e sononan ta un.

²⁷I e shete bakanan flaku mahos, ku a sali despues di nan, ta shete ana, i e shete tapushinan bashi, kima dor di bientu di pariba, lo ta shete ana di hamber.

²⁸"Ta manera mi a papia ku Farao: Dios a mustra Farao kiko E ta bai hasi.

²⁹Mira, ta bin shete ana di gran abundansia na henter tera di Egipto;

³⁰i despues di nan lo bin shete ana di hamber, i tur e abundansia lo wordu lubida na tera di Egipto; i e hamber lo kaba ku e tera.

³¹Asina e abundansia lo ta deskonosi na e tera pa motibu di e hamber ku ta sigui, pasobra esei lo ta masha pisa.

³²I e sono a wordu ripiti dos biaha pa Farao, pasobra e kos ta stablesi dor di Dios, i pronto Dios lo lagu'd sosodd.

³³"I awor, laga Farao buska un homber ku tin disernimentu i sabiduria, i pon'd riba tera di Egipto.

³⁴Laga Farao kuminsa apunta administradonan pa e tera, i lagu'd eksigi un di sinku parti di loke tera di Egipto ta produsi den e shete ananan di abundansia.

³⁵Anto laga nan rekohd tur e kuminda di e bon ananan aki ku ta bin, i warda e mainshi komo kuminda den e statnan ku ta bou di Farao su outoridat, i laga nan tene warda riba esaki.

³⁶I laga e kuminda keda komo un reserva pa e tera pa e shete ananan di hamber ku lo bin den tera di Egipto, pa e tera no peresd durante di e tempu di hamber."

³⁷I e konseho tabata bon den bista di Farao i den bista di tur su sirbidonan.

³⁸E ora ei Farao a bisa su sirbidonan: "Nos por hana un homber manera esaki, ku tin e Spiritu di Dios den djd?"

³⁹Pesei Farao a bisa Jose: "Komo ku Dios a mustrabo tur esaki, no tin ningun hende ku disernimentu i sabiduria manera abo.

⁴⁰Abo lo ta hefe di mi kas, i segun bo ordu henter mi pueblo lo wordu goberna; solamente riba trono lo mi ta mas grandi ku bo."

⁴¹I Farao a bisa Jose: "Mira, mi a ponebo riba henter tera di Egipto."

⁴²E ora ei Farao a kita su renchi-di-seyo for di su man i a pon'd na Jose su man, i a bistid pana di lino fini i a kologa un kadena di oro na su garganta.

⁴³Anto el a hasid subi su di dos garoshi; i nan tabata proklama su dilanti: "Dobla rudia!" I el a pon'd riba henter tera di Egipto.

⁴⁴Tambe Farao a bisa Jose: "Ami ta Farao; sinembargo, sin bo permit ningun hende lo no por halsa su man ni su pia den henter tera di Egipto."

⁴⁵E ora ei Farao a duna Jose e nomber Zafnat-panea; i el a dun'd Asenat, yu muhd di Potifera, saserdote di On, komo su esposa. I Jose a sali pasa dor di tera di Egipto.

⁴⁶Awor Jose tabatin trinta ana dia ku el a drenta sirbishi di Farao, rei di Egipto. I Jose a sali for di presensia di Farao, i a pasa dor di henter tera di Egipto.

⁴⁷I durante di e shete ananan di abundansia e tera a produsi na monton.

⁴⁸Asina el a rekohe tur e kuminda di e shete ananan aki ku tabatin na tera di Egipto i a warda e kuminda den e statnan; den tur stat el a warda e kuminda di e kunukunan ku tabatin ront di dje.

⁴⁹Asina Jose a rekohe masha hopi mainshi manera santu di laman, te ora ku el a stop di midi, pasobra e mainshi tabata muchu hopi pa midi.

⁵⁰Awor prome ku e ananan di hamber a kuminsa, a nase dos yu homber pa Jose, kendenan Asenat, yu muhe di Potifera, saserdote di On, a hana p'e.

⁵¹I Jose a duna e primogenito e nomber Manases: "Pasobra Dios a hasimi lubida tur mi problemanan i henter kas di mi tata."

⁵²I el a duna esun di dos e nomber Efrain: "Pasobra Dios a hasimi fruktifero na e tera di mi aflikshon."

⁵³Ora ku e shete ananan di abundansia ku tabatin na tera di Egipto a yega na un fin,

⁵⁴i e shete ananan di hamber a kuminsa bin, manera Jose a bisa, tabata reina hamber na tur e teranan, ma na henter tera di Egipto tabatin pan.

⁵⁵Pesei, ora henter tera di Egipto tabata sufri hamber, e pueblo a sklama na Farao pa pan. Anto Farao a bisa tur e egipsionan: "Bai serka Jose; kiko ku e bisa boso, hasie."

⁵⁶Ora ku e hamber a plama riba henter superfisio di tera, Jose a habri tur e depositonan i a bende ku e egipsionan; i e hamber tabata pisa na tera di Egipto.

⁵⁷I di henter mundu nan tabata bin Egipto pa kumpra mainshi serka Jose, pasobra e hamber tabata pisa den henter mundu.